குருவி கதை

by **அ.இராமநாதன்** Thu Sep 13, 2012 7:52 am

ஒரு ராஜாவும் ஒரு மந்திரியும் வேட்டைக்குப் போனார்களாம்.

காட்டின் நடுவே ஓர் உயரமான மரம் நின்றிருந்தது.
மரத்திலிருந்து ஒரு கிளை; கிளையிலிருந்து ஒரு கொம்பு நீண்டிருந்தது.
அதன்மீது ஒரு கருங்குருவி.
அதன் காலூக்கடியில் ஒரு காசு.

ராஜாவும் மந்திரியும் அருகில் வந்ததும் குருவி பாடியது:

“எங்கிட்ட ஒரு காசிருக்கு யாருக்கு வேணும்;
வேணுமின்னா என்னைக் கேட்டு வாங்கிட்டுப ்போங்க!’”

இதை உங்களுக்குத் தெரிந்த ஏதாவது நர்ஸரிப் பாட்டின் மெட்டில் பாடிக் கொள்ளுங்கள்.

ராஜா தன்னுடைய மந்திரியை அழைத்து,
“மந்திரி நீ அந்தக்காசைகேட்டு வாங்கி வா, பார்க்கலாம்”, என்றார்.

” ஏ குருவி! ஓ குருவி! (‘முதல் மரியாதை’ சிவாஜி நினைவுக்கு வருகிறாரோ?) ராசா கேக்குறாஹ. அந்தக ்காசை என்னிட்ட குடுத்துடு”.

குருவி காசைப்போட்டது. மந்திரி எடுத்துச்சென்று ராஜாவிடம் கொடுத்தார். ராஜாவும் வாங்கி வைத்துக்கொண்டார்.

உடனே குருவி பாடியது:

“ஒரு காசுக்கு விதியில்லாத ராசா பாருங்க!
ஏம்பிட்டுக ்காசை எடுத்துட்டுப் போறான் ராசா பருங்க!”

ராஜா: “யென்னடாயிது! மந்திரி, காசை அந்தக்குருவியிடமே கொடுத்திடு”்’.

மந்திரி: “ஏ குருவி! இந்தா உன் காசு! “

குருவி பாடியது:

“எனக்குப் பயந்து காசக்குடுத்துட்டான், ராசா பாருங்க!
நாட்ட எப்பிடி காக்கப்போறான், ராசா பாருங்க!”

ராஜா: “என்ன மந்திரி, இப்ப என்ன செய்யலாம்?”

மந்திரி: “இரண்டு செய்யலாம். ஒன்று இங்கிருந்து நாமே போய்விடவேண்டும். அல்லது குருவியை விரட்டவேண்டும்”.

ராஜா:”அதற்கும் ஏதாவது பாடுமே?”

கடைசியில் அந்தக்குருவி ப்ராப்லமை நால்வகை உபாயத்தின் நான்காவது முறையில் தீர்த்துக் கொண்டனர்.
-
=================================
>ஜெயபாரதி