பரிசோதனை - ஒரு பக்க கதை

by **அ.இராமநாதன்** Mon Oct 22, 2012 7:56 am

''ஹலோ! இது ராஜா ராமனா?''

மறுமுனையில் ராஜாராமன். ''ஆமாம், நீங்க?'
-
''நான் ராகம் ஆஸ்பத்திரியிருந்து டாக்டர் சம்பத், நீங்கள் வயிற்றுல
ஒரு வித்தியாசமான வலின்னு வந்து மருந்து மாத்திரை வாங்கிட்டுப்
போனீங்களே, சரியாயிட்டுதா?''
-
''நூறு சதவீதம் சரியாயிட்டுது. நினைவு வெச்சு கேட்டது ரொம்ப
சந்தோஷமா இருக்குது டாக்டர்'' என்று சம்பாஷனையை முடித்தார்
ராஜாராமன்
-
நர்ஸ் வில்லி, டாக்டரைக் கேட்டாள். ''ஏன் டாக்டர் அந்த பேஷண்ட்
மேல் என்ன அவ்வளவு அக்கறை...போன் போட்டெல்லாம் விசாரிக்கிறீங்க?'
-
'அக்கறையெல்லாம் ஒண்ணும் இல்லை. எனக்கும் அதே வலி இருக்குது.
புதுசா ஒரு சில மருந்து மாத்திரையை அவருக்கு கொடுத்து டெஸ்ட்
பண்ணினேன். அவருக்கு குணம் கிடைச்சா அதை நானும்
எடுத்துக்கலாமுன்னு இருந்தேன். அதுக்காகத்தான் இந்த விசாரிப்பு..!
--
==========================================
>வி.சகிதா முருகள்
நன்றி: குமுதம் 10-10-12