இனிக்கவில்லை பொங்கல் ! கவிஞர் இரா .இரவி

by **eraeravi** Wed Jan 09, 2013 10:09 pm

இனிக்கவில்லை பொங்கல் ! கவிஞர் இரா .இரவி

கல்நெஞ்சம் படைத்த கர்னாடகம்
காவிரியை சிறைப் பிடித்த காரணத்தால்

உச்சநீதி மன்ற தீர்ப்புகளையே
துச்சமென நினைத்து மதிக்க வில்லை !

நஞ்சை புஞ்சை எதுவும் விளையவில்லை
நெஞ்சம் கனத்து வேதனையில் விவசாயிகள் !

முப்போகம் விளைந்திட்ட பூமியில் இன்று
ஒரு போகம் கூட விளைவிக்க முடியவில்லை !

உலகிற்கே உணவு தந்த ஒப்பற்ற உழவன்
உணவுக்காக இழப்பிடு கேட்க்கும் அவலம் !

காவிரியும் வரவில்லை மாமழையும் பொழியவில்லை !
கண்ணீர்தான் வந்தது கஷ்டம்தான் வந்தது !

அறுவடைத் திருநாளில் அறுவடை இல்லை !
பொங்கல் திருநாளில் பொங்கிட வில்லை !

நெல்லுக்கும் வழியில்லை கரும்புக்கும்வழியில்லை !
நெருக்கடியில் விவசாயி நிம்மதியின்றி குடும்பங்கள் !

இன்பமும் இல்லை மகிழ்ச்சியும் இல்லை !
இன்னலே மிச்சம் துன்பமே எச்சம் !

பொங்கல் வாழ்த்து சொல்ல மனமில்லை
பொங்க வில்லை விவசாயிகளின் வாழ்க்கை !

இனிக்கவில்லை பொங்கல் கசந்தது தமிழருக்கு !
இனியாவது நதிகளை இணைக்க முயலுங்கள் !

--

by **அ.இராமநாதன்** Thu Jan 10, 2013 5:01 am

தமிழக முதல்வர் அறிவுத்துள்ள சிறப்பு பொங்கல் பரிசு
-

1.84 கோடி ரேஷன் கார்டுதாரர்களுக்கு,
பொங்கல் பண்டிகைக்காக, 160 ரூபாய்
மதிப்பிலான, சிறப்பு பொங்கல் பரிசுத்
தொகுப்பு அளிக்கப்படுகிறது.

இதில், 20 ரூபாய் மதிப்பில் ஒரு கிலோ பச்சரிசியும்,
40 ரூபாய் மதிப்பில், ஒரு கிலோ சர்க்கரையும்
வழங்கப் படுகிறது.பொங்கல்பண்டிகைக்கான இதர
பொருட்களான, பருப்பு,கரும்பு உள்ளிட்டவை
வாங்க, 100 ரூபாய்ரொக்கப் பணமும் இந்த
தொகுப்பில் அடங்கும்.

by **கவியருவி ம. ரமேஷ்** Thu Jan 10, 2013 7:01 am

அ.இராமநாதன் wrote:தமிழக முதல்வர் அறிவுத்துள்ள சிறப்பு பொங்கல் பரிசு
-

1.84 கோடி ரேஷன் கார்டுதாரர்களுக்கு,
பொங்கல் பண்டிகைக்காக, 160 ரூபாய்
மதிப்பிலான, சிறப்பு பொங்கல் பரிசுத்
தொகுப்பு அளிக்கப்படுகிறது.

இதில், 20 ரூபாய் மதிப்பில் ஒரு கிலோ பச்சரிசியும்,
40 ரூபாய் மதிப்பில், ஒரு கிலோ சர்க்கரையும்
வழங்கப் படுகிறது.பொங்கல்பண்டிகைக்கான இதர
பொருட்களான, பருப்பு,கரும்பு உள்ளிட்டவை
வாங்க, 100 ரூபாய்ரொக்கப் பணமும் இந்த
தொகுப்பில் அடங்கும்.

கவிஞரின் கவிதையின் வறுத்தத்திற்கு நியாயமான காரணம் இருக்கிறது... நாம் இதை கூட பணம் கொடுத்து வாங்க முடியாதவர்களாக இருக்கிறோமே....