M.S. உதயமூர்த்தி அவர்களின் படைப்புகளில் - தன் முன்னேற்றச் சிந்தனை

by **eraeravi** Fri Jun 25, 2010 1:57 pm

M.S. உதயமூர்த்தி அவர்களின் படைப்புகளில் - தன் முன்னேற்றச் சிந்தனை
(தொகுப்பு : கவிஞர் இரா.இரவி) editor www.kavimalar.com

ஆய்வாளர் உரை : போராசிரியை திருமதி ஆரோக்கிய மேரி
தொகுப்பு : கவிஞர் இரா.இரவி

தன்னம்பிக்கை பற்றி இன்று மிகப்பெரிய விழிப்புணர்வு எங்கும் பரவி உள்ளது.
இதற்கு வித்திட்டவர் எழுத்தாளர், பேச்சாளர், சிந்தனையாளர் திரு. எம்.எஸ்
உதயமூர்த்தி. ஜப்பானுக்குச் சென்ற போது அவர்களின் ஒப்பற்ற உழைப்பைப் பார்த்து,
கேட்டு, உணர்ந்து, தெளிந்து, அமெரிக்காவில் வாழ்ந்த சுகபோக வாழ்வை விடுத்து,
தமிழகம் வந்து, தமிழக மக்கள் உள்ளங்களில் தன்னம்பிக்கை விதை விதைத்த
விவசாயி. *வாழ்வின்
ஜீவ துடிப்பு தன்னம்பிக்கை என உணர்த்தியவர்.*

திரு. சுகி. சிவம் உள்பட பிரபல பேச்சாளர்கள் அனைவரும், திரு.எம்.எஸ்
உதயமூர்த்தி அவர்களின் கருத்தை, மேற்கோள் காட்டி பேசி வருகின்றனர்.
திரு.எம்.எஸ் உதயமூர்த்தி அவர்களின் நூல்களை படித்துப் பார்த்தால் ஆரம்பம்
மங்களமாகத் தொடங்குவார். கதை சொல்லித் தொடங்குவார். தொடக்கம் மிகச் சிறப்பாக
இருக்கும். படிக்க வேண்டும் என்ற ஆவலைத் தூண்டும் வண்ணம் இருக்கும். தனிமனித
மேம்பாடு, அழகு பற்றி குறைபடுபவர்களுக்கு ஆறுதல், கவலை விடுத்து வரும் முன்
காக்க மனப்பயிற்சி இப்படி பல செய்திகள் இருக்கும்.

நோய் நமக்கு உருவாவதற்கான காரணம் கவலை, பயம், பொறாமை, கோபம் என்பார்.
இக்கருத்தை இன்றைக்கும் ஆய்வாளர்களும், மருத்துவர்களும் உண்மை என்று
மெய்ப்;பித்து உள்ளனர்.

இவற்றிலிருந்து விடுபவடுவதற்கான பயிற்;சிகள் இருக்கும். ஒரு தொழிலில் வெற்றி
பெற, அந்தத் கொழில் பற்றிய பட்டறிவை வளர்த்துக் கொள்ளுதல் தகுதி, பயிற்சி
இப்படி நிறைய தகவல்கள் இருக்கும். தனிமனித மேம்பாடு மட்டும் எழுதவில்லை, சமுதாய
மேம்பாடு- நாட்டின் மேம்பாடு, வறுமை- வேலையின்மை ஒழிக்க வழி, அரசியலில்
பொறுப்பற்ற செயலுக்கு கண்டனம் இப்படி எல்லாம் துணிவுடன் எழுதுவார்;

நூலில் நல்லவற்றை மேற்கோள் காட்டுதல், இலக்கியங்களிலிருந்து எடுத்துக் கூறுதல்,
அறிஞர்கள் பொன்மொழிகள், மேற்கோள்கள், வேடிக்கை கதைகள், முல்லா கதைகள், புள்ளி
விபரங்கள், பட்டியிலிடுதல் இப்படி பல தகவல்கள் உண்டு. மந்திரச் சொற்களான,
"*உன்னால்
முடியும் தம்பி*" என்ற சொற்கள் அடிக்கடி திரும்பத் திரும்ப வாசகர் மனதில் பதிய
வேண்டும் என்பதற்காக பயன்படுத்தி உள்ளார். ஆங்கிலச் சொற்களை எழுதி, அதற்க்குரிய
தமிழ்ச்சொல்லையும் எழுதி இருப்பார்கள். விலங்குகள், பறவைகள், மனிதர்கன் பற்றிய
பழமொழிகள் இடம் பெற்றுள்ளன. கேள்வி கேட்கும் முறையில் சில கட்டுறைகள் அமைந்து
இருக்கும்.

மனநலம் நன்றாக இருந்தால், உடல்நலம் நன்றாக இருக்கும் என்று பல இடங்களில்
வலியுறுத்தி உள்ளார். ஓரு மனிதனுக்கு "*தாழ்வு மனப்பான்மை தாழ்த்தும், உயர்வு
மனப்பான்மை வீழ்த்தும் இரண்டும் தீங்கு*" என்று சுட்டி உள்ளார்.

கோபம் வந்தால் என்ன செய்வது , அதனைத் தவிர்க்க சில முறைகள் எழுதி உள்ளார்.
தண்ணீர் குடித்தல். உதாரணமாக, மனைவி திட்டிக் கொண்டிருக்கும் போது, பதிலுக்கு
கணவனும் திரும்பத் திட்டாமல் உடன் தண்ணீர் கொண்டு வந்து கொடுத்தால் உளவியல்
ரீதியாக மனைவி மனம் மாறி, தண்ணீர் வாங்கிக் குடித்து, கோபம் குறைய
வாய்ப்புண்டு. நமது கோபத்தைப் போக்கவும் தண்ணீர் வாங்கிக் குடிக்கலாம்.
இருக்கும் இடத்தை மாற்றிக் கொள்ளலாம். கொஞ்ச நேரம் செவிடாகக் கூட மாறி விடலாம்.
இப்படி பல பயனுள்ள தகவல்கள். ஏட்டளவில் மட்டுமல்ல, எப்படி செயல்படுத்த
வேண்டும்மென்ற விளக்கம் இருக்கும். முழு மனிதன் எப்படி இருக்க வேண்டும்.
காட்சிக்கு இனியவனாக மாற்றிக் கொள்ளுதல், தோல்வி கண்டு துவளாது இருத்தல்,
உறவுகளைப் பலப்படுத்துதல், இப்படி பல தகவல்களைத் தந்து , நூல் படிக்கும்
வாசகர்களின் உள்ளத்தில் ஆளுமைத் திறனை விதைக்கின்றார்.

*சாதனை =முடியும்+முயற்சி+உழைப்பு*. இப்படி வாழ்க்கைக்கான வாழ்வியல் வெற்றி
சூத்திரங்கள் சொல்வார்கள். நெஞ்சமே அஞ்சாதே, சொந்தக்காலில் நில், வாழ்க்கை
வெளிச்சம். அவரது நூலின் பெயர்களே தன்னம்பிக்கை தரும்.

மொத்ததில், திரு.எம்.எஸ் உதயமூர்த்தி அவர்களின் நூல்களை ஆய்வு செய்த ஆய்வாளர்
உரை கேட்டு முடித்த போதும், பல்வேறு கேள்விக் கணைகள் விடுத்த போதும், அதற்கு
சளைக்காமல் கோபமின்றி பொறுமையாக ஆய்வாளர் பேராசிரியர் ஆரோக்கிய மேரி பதில்
உரைத்தும், அன்றைய முனைவர் பட்டம் வழங்கும் விழாவிற்கு வருகை தந்த
அனைவருக்கும், அந்த நாள் இனிய நாள் என்றால் மிகையன்று.

இந்த விழாவிற்கு வருகை தந்த செந்தமிழ் கல்லூரி பேராசிரியை நிர்மலா மோகன்,
பட்டிமன்றப் பேச்சாளர் திரு.முத்து இளங்கோவன் மற்றும் நான் கேள்வி கேட்டு பதில்
பெற்றோம். மதுரை காமரசர் பல்கலைக்கழகத்தின் தூண்களான பேராசிரியர்கள் மணிவேல்,
இரா. மோகன் அவர்கள், விழாவை சிறப்பாக நடத்தினார்கள். இந்த ஆய்விற்கு நெறியாளராக
இருந்தது. பட்டிமன்றத்தின் மூலம் உலகெலாம் தமிழ் மணம் பரப்பி வரும் நடுவர்
தமிழ்த்தேனீ முனைவர் இரா.மோகன் என்பது குறிப்பிடத்தக்கது.

இந்த ஆய்வு நூல்,தன்னம்பிக்கை சிந்தனையில் முன்னோடி திரு. எம்.எஸ்.உதயமூர்த்தி
என்ற மாமனிதருக்கு, மதுரை காமராசர் பல்கலைக்கழகம் சூட்டிய மகுடமாகவே இருந்தது.
இந்த மகுடத்தைத் தயாரிக்க ஆய்வாளர், பேராசிரியர் ஆகியோரின் கடின உழைப்பு உணர
முடிந்தது. நெறியாளர் முனைவர் இரா.மோகன் அவர்களும் சிறப்பாக நெறிப்படுத்தி
இருக்கிறார்கள்.

by **eeranila** Mon Jun 28, 2010 2:24 pm

அற்புதமான தன்னம்பிக்கை தொகுப்பு வாழ்த்துக்கள்

by **eraeravi** Thu Jul 01, 2010 12:07 pm

வணக்கம். கட்டுரையைப்
பாராட்டியமைக்கு மிக்க நன்றி
அன்புடன்
இரா .இரவி
கவிதைகள் படித்து மகிழுங்கள்
http://eraeravi.wordpress.com/
www.kavimalar.com ஹாஹாஹாஹா

by syed Sun Oct 09, 2011 6:56 pm

இந்த ஆய்வு நூல்,தன்னம்பிக்கை சிந்தனையில் முன்னோடி திரு. எம்.எஸ்.உதயமூர்த்தி
தங் you

by **அ.இராமநாதன்** Sun Oct 09, 2011 7:07 pm

திரு எம்.எஸ்.உதயமூர்த்தி அவர்கள் 25 ஆண்டுகள்
அமெரிக்காவில் பணியாற்றிய பின், தாய்மண்மேல்
கொண்ட பற்றால் இந்தியாவுக்குத் திரும்பி மக்கள்
பணியாற்றியவர்.

‘மக்கள் சக்தி இயக்கம்’ என்ற அமைப்பைத் தொடங்கியவர்.

பிரச்சனைகளுக்குத் தீர்வு காண்பது எப்படி?’,
‘உயர்மனிதனை உருவாக்கும் சிந்தனைகள்’,
‘எண்ணங்கள்’,
‘நீதான் தம்பி முதலமைச்சர்’ உட்படப் பல நூல்களை
எழுதியுள்ளார்.
-
] M.S. உதயமூர்த்தி அவர்களின் படைப்புகளில் - தன் முன்னேற்றச் சிந்தனை Image%2B1