First topic message reminder :

சென்னை: ஈழத் தமிழர்களுக்காக, சென்னையில் பல்வேறு பகுதிகளில் நான்காவது நாளாக தொடரும், மாணவர்கள் உண்ணாவிரதத்தில், பலரது உடல் நிலை மோசமடைந்து உள்ளது. அவசர சிகிச்சைக்காக, ஆறு மாணவர்கள் அரசு மருத்துவமனையில் சேர்க்கப்பட்டுள்ளனர். இதற்கிடையில், இந்த போராட்டத்தை தமிழகம் முழுவதும் ஒருங்கிணைத்து நடத்துவது குறித்து, மாணவர்கள் ஆலோசித்து வருகின்றனர்.



கவலைக்கிடம்:

இலங்கை அதிபர் ராஜபக்ஷேவை போர் குற்றவாளியாக அறிவிக்க வேண்டும்; தனி ஈழம் அமைய வாக்கெடுப்பு நடத்த வேண்டும் உள்ளிட்ட, கோரிக்கைளை வலியுறுத்தி, சென்னை சட்டக் கல்லூரி மாணவர்கள், 30 பேர் நான்காவது நாளாக உண்ணாவிரதம் இருந்து வருகின்றனர்.


அவர்களில், மெர்லின், பிரகாஷ், கோகுல், மணி உள்ளிட்ட, நான்கு பேரின் உடல்நிலை மோசமடைந்து, சென்னை ராஜிவ் காந்தி அரசு பொது மருத்துவமனையில் சேர்க்கப்பட்டுள்ளனர்.



கையெழுத்து இயக்கம்

: ஆர்.ஏ.புரத்தில், அம்பேத்கர் சட்ட பல்கலைக் கழகத்தை சேர்ந்த, 13 மாணவர்கள், நான்காவது நாளாக நேற்றும் உண்ணாவிரதத்தை தொடர்ந்தனர்.


அவர்களில் புவனேஸ்வரன், பீம்ராஜ் ஆகியோரின், உடல் நிலை மோசமடைந்ததையடுத்து, சிகிச்சைக்காக ராயப்பேட்டை அரசு மருத்துவமனையில் சேர்க்கப்பட்டுள்ளனர்.


புது கல்லூரி மாணவர்கள், 24 பேர், இரண்டாவது நாளாக உண்ணாவிரத போராட்டத்தில் ஈடுபட்டனர். லயோலா கல்லூரி மாணவர்கள் கையெழுத்து இயக்கத்தை நடத்தினர்.



ஐந்து கல்லூரிகள்:

மாநில கல்லூரி, அண்ணா நகர் கந்தசாமி நாயுடு கல்லூரி, துரைப்பாக்கம் ஜெயின் கல்லூரி, கிண்டி குருநானக் கல்லூரி, விவேகானந்தா கல்லூரி மாணவர்கள், 500க்கும் மேற்பட்டோர், வகுப்புகளை புறக்கணித்து, உள்ளிருப்பு போராட்டம், சாலை மறியல் மற்றும் ஆர்ப்பாட்டங்களில் ஈடுபட்டனர்.


இந்திய மாணவர் கூட்டமைப்பின், தென்மாவட்ட தலைவர் செல்லா தலைமையில், அண்ணா நகரில் ஆர்ப்பாட்டம் நடந்தது. நந்தனம், பச்சையப்பன், மாநில கல்லூரி மாணவர்கள், 100க்கும் மேற்பட்டோர் கலந்து கொண்டனர்.


இதுகுறித்து, சட்ட பல்கலை மாணவர் சவுந்தரராஜன்கூறியதாவது: அரசியல் சாயமில்லாத, போராட்டத்தையே நாங்கள் முன்னெடுத்து செல்ல விரும்புகிறோம். தமிழகத்தில் உள்ள அனைத்து, சட்ட கல்லூரிகளையும் ஒருங்கிணைத்து, மாபெரும் போராட்டத்தை நடத்துவதற்கு, பேச்சுவார்த்தை நடத்தி வருகிறோம். விரைவில் அதற்கான அறிவிப்பு வெளிவரும். இவ்வாறு, அவர் கூறினார்.



வழக்கறிஞர்கள் போராட்டம்

: இதற்கிடையில், சென்னை ஐகோர்ட்டில், நேற்று இரண்டாவது நாளாக, நான்கு வழக்கறிஞர்கள் உண்ணாவிரதத்தை தொடர்ந்தனர்.


பிற்பகலில் இதுகுறித்து, ஐகோர்ட் வழக்கறிஞர்கள் சங்கத்தில் கலந்தாலோசித்து, வரும், 18ம் தேதி, மத்திய கலால் துறை அலுவலகத்தை முற்றுகையிடுவதாக தீர்மானித்தனர். தொடர்ந்து அவர்களின் வேண்டுகோளின் பேரில், உண்ணாவிரதம் கைவிடப்பட்டது.


அதேபோல், ஆலந்தூர் கோர்ட் வளாகத்தில் நேற்று, 10 வழக்கறிஞர்கள் ஒரு நாள் உண்ணாவிரதத்தில் ஈடுபட்டனர்.

அண்ணாத்தம்பி - திருச்சி ,இந்தியா
15-மார்-201302:49:22 IST Report Abuse
இதே கருத்துக்களை 2009 -ல் கூறியவர்கள் ஆட்சியையே பறிகொடுக்க நேர்ந்தது என்பதை வரலாறு பதிவு செய்துள்ளது ... "தமிழக மீனவர் சங்கத்தில் சிங்களன் தலைவனா" என்று சந்தேகம் எழுகின்றதே ... சிங்கள இராணுவத்துடன் போரிட்டு இந்திய இராணுவம் தமிழக மீனவர்களைக் காக்கும் என்ற நம்பிக்கை சிறிதும் மீனவர்களுக்கு ஏற்படாத அளவில் நாடு சென்று கொண்டிருப்பது பெருத்த கவலையைத் தருகிறது ...

Rameswaram Mahesh - bedok ,,சிங்கப்பூர் 15-மார்-201305:09:29 IST Report Abuse
திரு.அண்ணா தம்பி, இந்த மீனவர் சங்க தலைவர் தேவதாஸ் காங்கிரஸ் கட்சியை சேர்ந்தவர்...சிங்களனுக்கும் சோனியாவுக்கும் மட்டுமே விளக்கு பிடிப்பார்......

Vettri - coimbatore,இந்தியா
15-மார்-201302:23:02 IST Report Abuse
ஒரு ஆதங்கத்தில் இந்த கேள்வி எழும்புகிறது. மீனவர்களே ஒரு கும்பலாக சேர்ந்து ஒரு சிங்கள சிப்பாயை கூட உங்களால உதைக்க முடியாதா?

T.R.Radhakrishnan - nagpur,இந்தியா
15-மார்-201301:01:16 IST Report Abuse
இலங்கை அரசின் கோபத்திற்கு, தமிழக மீனவர்கள்தான் பலிகடா ஆகின்றனர்.........உண்மையோ உண்மை.......

Devanand Louis - chennai,இந்தியா
15-மார்-201300:56:00 IST Report Abuse
டெசோ என்ற நாடகமேடையினால்தான் இலங்கைக்கு எதிராக, தி.மு.க கட்சிகள் போராட்டம் நடத்துவதால், மீனவர்களை, இலங்கை கடற்படையினர் தாக்குவது, கைது செய்வது அதிகரித்துள்ளது, இது 100 % கரைகட் , டெசோ என்ற நாடகமேடை ஆரம்பித்த பிறகுதான் இலங்கையில் உள்ள தமிழ் ஊர் பெயர்கள் ellam சிங்கள மொழிக்கு மாற்றப்பட்டுள்ளது , இலாங்கை தமிழர்கள் தினம் தினம் சங்கங்களை அனுபவித்துகொண்டுவருகிறாகள் . டெசோவினால் தீமைகள் தவிர வேறொன்றுமில்லை .