நோபல் பரிசு-பொருளாதார அறிவியல் :

by **RAJABTHEEN** Sun Dec 05, 2010 2:31 am

பொருளாதார அறிவியல் :
உழைப்பே மிகப்பெரிய மூலதனம்

பொருளாதார அறிவியலுக்கான இந்த ஆண்டின் நோபல் பரிசு, இரண்டு அமெரிக்கர்கள் மற்றும் பிரிட்டனில் பணியாற்றும் சைப்ரஸ் பொருளாதார நிபுணருக்கு கூட்டாக வழங்கப்படுகிறது. அமெரிக்காவின் மசாசூட்ஸ் தொழில்நுட்ப கழகத்தின் பேராசிரியர் பீட்டர் ஏ டைமண்ட் வடமேற்கு பல்கலைக் கழகத்தின் பேராசிரியர் டேல் டி மார்டன்சென், பிரிட்டனில் உள்ள லண்டன் ஸ்கூல் ஆப் எக்னாமிக்ஸ் மையத்தின் பேராசிரியர் கிறிஸ்டோபர் ஏ பிஸாரைட்ஸ் ஆகிய மூன்று பேரும் நோபல் பரிசுக்கு தேர்வு செய்யப் பட்டுள்ளனர்.

தொழிலாளர் சந்தை நிபுணர்களான அவர்கள், பொருளாதார கொள்கைகள் எந்த அளவிற்கு வேலைவாய்ப்பின் மையை உருவாக்குகிறது என்பது குறித்தும், அதற்குத் தீர்வு காணும் வகையிலும் வெளியிட்ட ஆய்வு முடிவுகளுக்காக இந்த நோபல் பரிசு வழங்கப்படுவதாக அறிவிக்கப்பட்டுள்ளது.

பீட்டர் ஏ டைமண்ட்யேல் பல்கலைக்கழகத்தில் கணிதம் பயின்ற டைமண்ட், மசாசூட்ஸ் பல்கலைக்கழகத்தில் பி.எச்.டி பட்டம் பெற்றார். அதன்பின், பல்வேறு பல்கலைக்கழகங்களில் கல்வி சேவையாற்றிய அவர், இப்போது மசாசூட்ஸ் பல்கலைக் கழகத்தில் மூத்தப் பேராசிரியராக பணியாற்றி வருகிறார்.

அமெரிக்காவின் சமூகப் பாதுகாப்பு கொள்கை குறித்து அவர் வெளியிட்ட ஆய்வுக் கட்டுரைகள் அவருக்கு நோபல் பரிசை பெற்றுத் தந்துள்ளன. “சமூக பாதுகாப்பை காப்போம்’ என்ற தலைப்பில் 2004-இல் அவர் வெளியிட்ட கட்டுரை பெரும் வரவேற்பைப் பெற்றது. அமெரிக்காவின் பொருளாதார நடவடிக்கைகளைக் கட்டுப் படுத்தும் “பெடரல் ரிசர்வ் போர்டு’ தலைவர் பதவிக்கு பரிசீலிக்கப்பட்ட மூன்று பேரில் டைமண்டும் ஒருவர். இறுதியில் பென் பெர்னன்கி என்பவர் தலைவராகத் தேர்ந்தெடுக்கப்பட்டார். அவர் டைமண்டின் முன்னாள் மாணவர் என்பது குறிப்பிடத்தக்கது.

டேல் டி மார்டன்சென் வில்லாமெட்டி பல்கலைக்கழகத்தில் பொருளாதாரத்தில் பி.ஏ. பட்டம் பெற்ற மார்டன்சென், மார்னஜி மெல்லான் பல்கலைக் கழகத்தில் பி.எச்.டி ஆய்வுப் படிப்பை முடித்தார். 1965 முதல் வடமேற்கு பல்கலைக்கழகத்தின் பேராசிரியராகப் பணியாற்றி வருகிறார். தொழிலாளர் சந்தைப் பொருளாதாரம், பேரியல் பொருளா தாரம் துறை நிபுணரான அவர், வேலை வாய்ப்பின்மை குறித்து பல்வேறு ஆய்வுக் கட்டுரைகளை எழுதியுள் ளார். “ஒரே பணியில் வேறுபட்ட சம்பள விகிதம் ஏன்?’ “வேலை தேடுதலும், தொழிலாளர் சந்தை நிலவரமும்’ ஆகியவை அவரது கட்டுரைகளில் குறிப்பிடத்தக்கவை.

கிறிஸ்டோபர் ஏ பிஸாரைட்ஸ் சைப்ரஸ் நாட்டைச் சேர்ந்த கிரேக்க வம்சாவளியினரான பிஸாரைட்ஸ், பிரிட்டனில் குடியேறி “லண்டன் ஸ்கூல் ஆப் எக்னாமிக்ஸ்’ மையத்தில் பி.எச்.டி ஆய்வுப் படிப்பை முடித்தார். அதே சமயத்தில் பேராசிரியராகப் பணியாற்றிவரும் அவர் நார்மன் சாஸ்னோ ஆப் எக்னாமிக்ஸ் அமைப்பின் பேரியல் பொருளாதார ஆய்வு மைய இயக்குநராகவும் உள்ளார்.

தொழிலாளர் சந்தை-பேரியல் பொருளாதாரம் குறித்து பல்வேறு ஆய்வுக் கட்டுரைகளை எழுதியுள்ள அவர், வேலை வாய்ப்பின்மையில் இருந்து வேலைவாய்ப்பை உருவாக்குவது குறித்து புதிய கொள்கையை வெளியிட்டு உலகின் கவனத்தை ஈர்த்தார். மார்டன்செனுடன் இணைந்து ஆய்வு மேற்கொண்டு அவர் சமர்ப்பித்த “வேலை உருவாக்கல், அழிப்பு’ என்ற தலைப்பிலான கட்டுரை, பொருளாதார நிபுணர்கள் மத்தியில் பெரும் வரவேற்பைப் பெற்றது.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நோபல் பரிசு-பொருளாதார அறிவியல் :

நோபல் பரிசு-பொருளாதார அறிவியல் :