இந்திய பொதுத் துறை இன்சூரன்ஸ் என்பது ஆயுள் காப்பீட்டில் எல்.ஐ.சி.,யையும் பொதுக் காப்பீட்டில் நியூ இந்தியா அஸ்யூரன்ஸ், யுனைடெட் இந்தியா இன்ஸ்யூரன்ஸ், நேசனல் இன்சூரன்ஸ் மற்றும் ஓரியண்டல் இன்சூரன்ஸ் ஆகியவற்றைக் கொண்டது. இந்தியாவின் முக்கிய 4 நகரங்களான மும்பை, சென்னை, கோல்கட்டா மற்றும் புதுடில்லியை முறையே இவை தலைமையகமாகக் கொண்டிருக்கின்றன. கடந்த பல ஆண்டுகளாக புதிதாக எந்த பணி வாய்ப்பையும் கொண்டிருக்காத நிறுவனங்களாக இவை செயல்பட்டு வருகின்றன.
மாறிவரும் சேவைத் தன்மை, கம்ப்யூட்டர் திறன்களின் தேவை, இளைஞர்களுக்கான கட்டாயத் தேவை என எந்த அடிப்படை அம்சங்களையும் கணக்கில் கொள்ளாமல் சராசரியாக 45 வயதுக்கும் மேலாக வயதான ஊழியர்களைக் கொண்டே இந்த 4 நிறுவனங்களும் செயலாற்றி வருகின்றன. தனியார் இத் துறையில் அனுமதிக்கப்பட்ட பின்னரும் கூட இவை மிகச் சிறப்பாகப் பணியாற்றி வருவதன் முக்கியக் காரணம் இவற்றின் ஊழியர்கள் என்றால் மிகையாகாது. இந்த 4 நிறுவனங்களும் விரைவிலேயே கிளரிகல் பணியிடங்களை அறிவிக்கவுள்ளன.
தற்போது யுனைடெட் இந்தியா நிறுவனம் 445 நேரடி பொது அதிகாரி பணியிடங்களை அறிவித்துள்ளது. தொடக்கத்திலேயே சுமார் ரூ.30 ஆயிரம் சம்பளம் தரக்கூடிய இந்தப் பணிக்கான அரிய வாய்ப்பை தவறாமல் பயன்படுத்திக் கொள்ளுமாறு அறிவுறுத்தப்படுகிறது.

யார் விண்ணப்பிக்கலாம்?:

டிசம்பர் 31, 2012 அன்று 21 முதல் 30 வயதுக்குள் இருக்க வேண்டும். ஓ.பி.சி., பிரிவினருக்கு 3 ஆண்டுகளும், எஸ்.சி., எஸ்.டி., பிரிவினருக்கு 5 ஆண்டுகளும் வயது வரம்பில் சிறப்பு சலுகை உண்டு. பட்டப்படிப்பில் தகுதி பெற்றிருப்பது அவசியம். எஸ்.சி., எஸ்.டி., பிரிவினர் குறைந்தது 55 சதவீதத்துடனும் பிறர் 60 சதவீதத்துடனும் இதில் தேர்ச்சி பெற்றிருப்பது அவசியம். பட்டமேற்படிப்பு தகுதியுடையவர் குறைந்தது 55 சதவீதத்துடன் (எஸ்.சி., எஸ்.டி., 50) தேர்ச்சி பெற்றிருக்க வேண்டும்.பட்டப்படிப்பில் இறுதியாண்டு படிப்பவர் விண்ணப்பிக்க முடியாது. ஆனால் பட்ட மேற்படிப்பில் இறுதியாண்டு படிப்பவரும் விண்ணப்பிக்கலாம்.

தேர்வு செய்யப்படுவது எப்படி? :

எழுத்துத் தேர்வு மற்றும் நேர்முகத்தேர்வு ஆகியவற்றின் மூலமாக இப் பணியிடங்களுக்குத் தேர்வு செய்யப்படுவீர்கள். எழுத்துத் தேர்வானது ஆன்லைன் அப்ஜக்டிவ் தேர்வாக நடத்தப்படும். இதில் தகுதி பெறுபவருக்கு விரிவாக விடையளிக்கும் பகுதியில் தேர்வானது தனியாக நடத்தப்படும். தகுதி பெற்றால் போதும். ஆயிரத்து 400 பேர் இறுதியாக நேர்முகத் தேர்வுக்கு அழைக்கப்பட்டு அதிலிருந்து 445 பேருக்குப் பணி வாய்ப்பு தரப்படும்.

கட்டணம்:

இதற்கான கட்டணம் ரூ.525/= இதை ஸ்டேட் பாங்க் கிளைகளில் செலுத்த வேண்டும். மேலும் ஆன்லைனில் விண்ணப்பிக்கும் போது ரூ.500ஐ கிரெடிட் கார்ட் அல்லது ஆன்லைன் பாங்கிங் மூலமாகவும் செலுத்தலாம். முழு விபரங்களையும் விண்ணப்பிக்கும் முறையையும் அறிய தவறாது பார்க்க வேண்டிய

இணைய தள முகவரி: [You must be registered and logged in to see this link.]

ஆன்லைனில் விண்ணப்பிக்கக் கடைசி நாள் ஏப்ரல் 18, 2013.

எழுத்துத் தேர்வு நாள் மே 26, 2013