வெற்றிக்கு ஆசை

by **கணபதி** Tue May 14, 2013 4:40 pm

வெற்றிக்கு ஆசை

வெற்றியை எதற்காக விரும்புகிறீர்கள்?அது உற்சாகம் தரும் என்று தானே?கூடவே,வெற்றியை அடையத் தேர்ந்தெடுக்கும் பாதையும் உற்சாகமாக அமைந்து விட்டால்...வெற்றியின் உற்சாகத்தை வெற்றி அடையும் முன்னரே அனுபவிக்கலாம் அல்லவா!குறுக்கு வழிக்கு ஆசைப்பட்டு அதை ஏன் இழக்கப் பார்க்கிறீர்கள்?வெற்றியின் உண்மையான அர்த்தத்தைப் புரிந்து கொள்ளாதவர்கள் தான் குறுக்கு வழியில் வெற்றிக்கு ஆசைப்படுகிறார்கள்.
******
வாழ்க்கையை வெறும் கொடுக்கல் வாங்கலாக மட்டுமே பார்த்தால்,உங்கள் மனதை சாத்தான் வசம் ஒப்படைத்து விட்டீர்கள் என்று பொருள்.அப்புறம் உள்ளேயும் வெளியேயும் போராட்டம்தான்.நரகம்தான்.உங்களுக்கு மரியாதை என்பது நீங்கள் எவ்வளவு வெற்றிகரமான வியாபாரி என்பதில் அல்ல,நீங்கள் எந்த அளவுக்கு மனிதத் தன்மையுடன் நடந்து கொள்கிறீர்கள் என்பதைப் பொறுத்துத்தான்.
******
உலகை நாம் தேவைகளின் அளவு கோலால் மட்டுமே அளந்து கொண்டிருக்கிறோம்.அந்த அளவும் பயன்பாடு என்ற ஒரே ஒரு காரணத்தை மட்டுமே முன் வைத்திருக்கிறது.எந்த ஒரு பொருளையும் நாம் எப்படிப் பயன் படுத்திக் கொள்கிறோம் என்பதைப் பொறுத்து மட்டும்தான் அது நமக்கு முக்கியமானதாகவோ,முக்கியமற்றதாகவோ இருக்கிறது.பயன்பாடற்ற யாவும் புறக்கணிக்கப் படவோ,அழிக்கப்படவோ வேண்டியது என்பதில் நாம் உறுதியாக இருக்கிறோம்.ஆனால் இயற்கையில் பயனுள்ளது,பயனற்றது என்று எதுவும் இல்லை.
******
By : ஜெயராஜன் |

by **udhayam72** Wed May 15, 2013 5:25 pm

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வெற்றிக்கு ஆசை

வெற்றிக்கு ஆசை

Re: வெற்றிக்கு ஆசை