இளவரசனோடு முடியட்டும் ! கவிஞர் இரா .இரவி !

by **eraeravi** Sun Jul 07, 2013 10:07 am

இளவரசனோடு முடியட்டும் ! கவிஞர் இரா .இரவி !

இளவரசன் கொலையோ ! தற்கொலையோ !
இரண்டுமே அவமானம் சமுதாயத்திற்கு !

இரண்டு காதலர்கள் இணைந்து வாழ்வதை
இன்னும் எதிர்ப்பது மடமை !

கணினி யுகத்திலும் சிலர் இன்றும்
காட்டுமிராண்டித்தனமாக நடப்பது கொடுமை !

இளவரசனும் திவ்யாவும் சாதிகளை மறந்து
இருவரும் உண்மையாக காதலித்தது உண்மை !

இருவரையும் பிரித்தது சாதிச் சங்கங்களின் சதி !
இனி திரும்புமா ? இளவரசன் உயிர் தருவார்களா ?

உண்மை காதல் அல்ல நாடகம் என்று
உரைத்தவர்களின் முகத்தில் கரி பூசப்பட்டது !

கொலையாக இருந்தால் இது
காட்டுமிராண்டிகளின் கொடூர செயல் !

இளவரசன் தற்கொலையாக செய்து
இருந்தால் அவசர செயல் இது !

திவ்யா முதல் நாள் உரைத்தது
இளவரசனே என் இனிய கணவன் !

இளவரசன் இல்லத்தினர் அனைவரும்

என்னிடம் அன்பாக இருந்தார்கள் !

என் அம்மாவின் சம்மதத்திற்காக
என் வீட்டில் காத்து இருக்கிறேன் !

பெற்றோர்களும் இறந்து விடுவேன் என்று

பெற்ற பிள்ளைகளை மிரட்டுவது கொடுமை !

மறுநாள் உரைத்தது வாழ மறுத்தது
மனம் வலித்தது இளவரசனுக்கு !

சில நாளில் திவ்யாவின் மனம்
சிறிதே மாறி இருக்கும் !

மாற்றம் ஒன்றுதானே மாறாதது
மாற்றம் நிகழ்ந்து இருக்கும் !

இளவரசனே தற்கொலை என்றால்
இன்னும் நீ வாழ்ந்து காட்டி இருக்கலாம் !

மனிதநேய ஆர்வலர்கள் எல்லோரின்
மனதையும் ரணமாக்கியது உன் மரணம் !

கொலையாக இருந்தால் கொலை புரிந்த
கொடூரன்கள் தண்டிக்கப்பட வேண்டும் !

பெரியார் பிறந்த மண்ணில் சாதி

பேதைமை பார்ப்பது மடமை !

மனிதன் பகுத்தறிவைப் பயன்படுத்தினால்
மண்ணில் கொலை தற்கொலை நிகழாது !

இனி ஒரு கௌரவக் கொலை
எங்கும் நடைபெறக் கூ டாது !

காதல் தற்கொலைகளும் முட்டாள்தனம்
காதலர்கள் வாழ்ந்து காட்டுவதே நன்று !

.

by **கவியருவி ம. ரமேஷ்** Sun Jul 07, 2013 10:25 am

உண்மையாகக் காதலித்திருந்தாள் திவ்யா அம்மா தான் வேண்டும் என்று போய் இருக்க மாட்டாள்...

அது உண்மையான காதலே இல்லை என்பதுதான் என் கருத்து...

என் ஹைபுன் இது
இதெல்லாம் காதலா ச்சி... - ம. ரமேஷ் ஹைபுன் – 20

பாப்பாங்க
பேசுவாங்க
முத்தத்தோட எல்லாத்தையும் இழப்பாங்க
கேட்டா தெய்வீகக் காதல்னு சொல்வாங்க
அப்ப எல்லாம் தெரியாத
சாதி, அப்பா அம்மா பாசம்
கல்யாணத்துக்கு அப்புறம் தெரியும்!
கோர்ட் போவாங்க
பிரிஞ்சிருவோமுன்னு சொல்வாங்க!!
அவங்களோட சேர்த்து
எல்லாரும் தலையாட்டிக்குவாங்க!!!
அப்புறமா
ஒருத்தர் சாவாங்க.
இன்னொருத்தருக்கு
மனச்சாட்சி உருத்துமா!
அவங்களும்
தற்கொலைக்கு முயற்சி செய்யறப்ப
இந்த சினிமாவுல
ஈரோயினை ஈரோ காப்பத்துற மாதிரி
காப்பாத்திட்டாங்களாம்.
இதென்னடா காதல்
“இதுக்குதானே பெத்தவங்க
காதலே வேணாமுன்னு சொல்றோம்”.
இதைப் படித்தும்
காதல் மேல் நம்பிக்கை வைப்பதால்தான்
காதல் இன்றும் ஏமாற்றிக்கொண்டு
வாழ்கிறது.

கொலையும் தற்கொலையும்
ஆனாலும், வாழ்கிறது
காதல்

இன்னும் சில…

காதல் போயின் மறுமணம்
கற்பிழக்கவில்லை
காதல் விபசாரம் ஒன்றானது

சாதி
சாதித்துக்காட்டியது
காதல் தோற்றது

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

இளவரசனோடு முடியட்டும் ! கவிஞர் இரா .இரவி !

இளவரசனோடு முடியட்டும் ! கவிஞர் இரா .இரவி !

Re: இளவரசனோடு முடியட்டும் ! கவிஞர் இரா .இரவி !