ஐ.டி. வாழ்க்கை???????

by **rajeshrahul** Fri Dec 10, 2010 2:40 pm

ஐ.டி. வாழ்க்கை

உடுத்திய ஆடை கசங்கவில்ல
செய்கிற வேலையில் -
மூளை மட்டுமே கசியுதுங்க

அக்கா முகம் மறந்துபோச்சு
'PM' முகம் கனவில் வந்து போகுதுங்க
தம்பியுடன் சண்டை முடிஞ்சுபோச்சு
'Client Call' சண்டை தொடர்கதையானதுங்க
பாட்டியின் அன்பு அனாதை ஆச்சு
'Software Testing' மட்டுமே பொழப்பாச்சுங்க

திகட்டும் திங்கள் திரும்ப வேண்டாம்
தந்தையின் செல்லத் திட்டுக்கள் போதுமுங்க
அளவில்லா 'AC'யில் ஆனந்த நித்திரை வேண்டாம்
அரையடி இடமானாலும் அன்னைமடி போதுமுங்க
தூக்கம் தூர ஓடிப்போச்சு
ஏக்கம் மட்டுமே மிச்சமுங்க

மனித நேயமும் காணவில்ல
நேசம் பண்பு எதுமில்ல
பாசம் கிடைப்பதோ விலையில
அன்பு ஏனோ தவணை முறையில

ஓடி ஓடி ஓஞ்சாச்சு..
பயணம் இன்னும் தொடருதுங்க
தேடி தேடி தேஞ்சாச்சு..
வாழ்வின் அர்த்தமோ புரியலிங்க

'இதுவும் கடந்து போகும்'
யாரோ இது சொன்னதுங்க
வாழ்க்கை என்ன வாழ்க்கை இது
வாழுந்துதான் பார்ப்போமுங்க!