கணினிக் காதலன்-கணினிக் கவிதை
[You must be registered and logged in to see this link.]
கணினிக் கவிதை
கண்ணாடி குடுவைக்குள்
அடைப்பட்ட ஆக்சிஜனாய்-இவ்வுலகை
கையலக கணினியின்
கட்டுக்குள் அடக்கிய
மாபெரும் மகானுக்கு
என் முதல் நன்றி!

முற்காலத்தில் ரேகைக்கு மட்டுமே
பயன்பட்ட விரல்கள்-இன்று
திரை திறந்து வினாடிக்கு வினாடி
விஞ்ஞான யுக்திகளை
மெய்யான கணினியில்
கணக்கீடு செய்கிறது!

பின்பொரு காலத்தில் சிறுபிள்ளை தனத்தின்
நடைவண்டி பயணமாய் எழுதுகோல்
பிடித்த விரல்கள்-இன்று
முடிவு தெரியாத பிரபஞ்ச வெளியாய்
ஒளிவெள்ளம் பாய்ச்சும் விளக்குகளினூடே
சுட்டியில்(மவுசில்) மண்டியிடுகிறது
விசைப்பலகையில்(கீபோர்டு) சடுகுடு ஆடுகிறது!

பனி உறங்கும் புல்லாக மென்மையான உணர்வுகளை
அழகாக சுமந்து சென்று பிரசவிக்கும் தாயாய்
பிரதிபலித்த கடிதங்கள்-இன்று
வின்ணை கிழித்த மின்னலென கொட்டிக்கவிழ்த்த
வைரமென இணையத்தில் மின்னஞ்சல் செய்கிறது!

கட்டண பேசியில் ஆரம்பித்து கைப்பேசியில் கரம்கோர்த்து
பொலிவிழந்த பொழுதுகளை பூரணமாக்கி
மனமகிழ்ந்த வேலைகளில் முகம் பார்த்து
இதயத்தின் கனத்தினை இமை வழியே இறக்க
குறைவான கட்டனத்தில் நிறைவாக பேச
வீடியோச்சாட்டிங் விடியலைப் படைக்கிறது..!

சுவாசக்காற்றாக உதிரத்துளியாக
உயிர்த்துடுப்பாக கிளை நரம்பாக
நம்முள் பின்னிப் பிணைந்த
இன்னொரு ஜீவன் கணினி...!

வணக்கம் நண்பர்களே,
இந்த கவிதை ஒரு மீள்பதிவு, ஆம் இதுதான் எனது முதல் பதிவு முதல் கவிதையும் கூட வலைப்பூ எழுதத் தொடங்கும்போது இந்த கவிதையின் அறிமுகத்தோடுதான் எழுத ஆரம்பித்தேன், இது எனது முதல் பதிவாக இருந்ததால் நண்பர்கள் பலரின் பார்வையில் படாமலே போய்விட்டது அதனால் மீண்டும் உங்களின் பார்வைக்கு, கவிதையை படித்துவிட்டு உங்களது கருத்துக்களை பகிர்ந்து கொள்ளுங்கள்.

பாராட்டுகளை விரும்பாத மனிதன் இல்லை, அது போல தன் குறையை திருத்த மற்றவர்களுக்கு வாய்ப்பளிக்காதவனும் மனிதனே இல்லை, இதைக் கொஞ்சம் புரிந்துகொண்ட சராசரி மனிதன் நான்,தயவுசெய்து தவறுகளை சுட்டிக்காட்டுங்கள் நிறைகளை பகிர்ந்துகொள்ளுங்கள் சின்ன சின்ன அங்கீகாரம் மட்டுமே மனதிற்கும் வாழ்விற்கும் புத்துணர்வு அளிக்கும்!
வாழ்க வளமுடன்
என்றும் நட்புடன்
உங்கள் மாணவன்[i][u]

[You must be registered and logged in to see this image.]


மிகவும் அழகான் வரிகள். நல்ல தேர்சியாளன் போல் இருகிறது உங்கள் சேவை நம் தோட்டத்துக்கு தேவை . வாருங்கள் கைகோர்த்து தோட்டத்தில் மலார்வோம்.மல்லிகை போல் மனம் பரப்ப வாழ்த்துக்கள். நன்றி நட்புடன் நிலாமதி

மிகவும் அழகிய வரிகள்,

உங்கள் கணணி கவி மிகவும் அருமையாக உள்ளது...

தொடர்ந்து உங்கள் கவி பூக்களை தாருங்கள்...

உங்களை உறுப்பினர் அறிமுகம் பகுதியில் அறிமுகம் செய்யுங்களேன்... :héhé: :héhé:

உங்கள் முதல் படைப்பே மிகவும் அருமையாக உள்ளது வாழ்த்துக்கள் தொடர்ந்து எழுதுங்கள்

அறிமுக கவிதையே அசத்தல்

முதல் கவிதையா !அப்படி ஒன்றும் தோன்றவில்லையே
கவிதை வரிகள் அருமை தோழரே

//மிகவும் அழகிய வரிகள்,

உங்கள் கணணி கவி மிகவும் அருமையாக உள்ளது...

தொடர்ந்து உங்கள் கவி பூக்களை தாருங்கள்...

உங்களை உறுப்பினர் அறிமுகம் பகுதியில் அறிமுகம் செய்யுங்களேன்//

அறிமுகம் செய்து விட்டேன் நண்பரே என்னைப்பற்றி - மாணவன் என்ற தலைப்பில்.....

abi wrote:முதல் கவிதையா !அப்படி ஒன்றும் தோன்றவில்லையே
கவிதை வரிகள் அருமை தோழரே

உண்மைதான் நண்பரே ஆனால் இந்த வரிகள் அனைத்தும் ஒரே நேரத்தில் எழுதியதில்லை நான் கணினி ஒவ்வொன்றாக கற்றுக்கொள்ளும்போது என்னுள் எழுந்த கணினிபற்றிய உணர்வுகளை கொஞ்சம் கொஞ்சமாக பதிவு செய்து இறுதியில் மொத்த வரிகளையும் சேர்த்து உருவாக்கினேன் எனது முதல் குழந்தையை..........