பெண்ணிய கவிதைகள் - ரசித்தவை

by **கவியருவி ம. ரமேஷ்** Tue Sep 03, 2013 3:40 pm

கனிமொழி

அப்பா சொன்னாரென பள்ளிக்குச் சென்றேன்
தலை சீவினேன் சில நண்பர்களைத் தவிர்த்தேன்
சட்டை போட்டுக் கொண்டேன்
பல் துலக்கினேன் வழிபட்டேன்
கல்யாணம் கட்டி கொண்டேன் காத்திருக்கிறேன்
என் முறை வருமென்று

by **கவியருவி ம. ரமேஷ்** Tue Sep 03, 2013 3:41 pm

புகைப்படத்திற்காகச் சிரிக்கும் அப்பா
பக்கத்தில் அம்மா அதே அச்சத்தோடு

தி. பரமேஸ்வரி

by **கவியருவி ம. ரமேஷ்** Tue Sep 03, 2013 3:42 pm

சமையலறை தேடி நீரருந்திவிட்டு திரும்பும்
அவருக்கு எதைச்சொல்லி
என் வயதை ஞாபகப்படுத்த?

சுகிர்தராணி

by **கவியருவி ம. ரமேஷ்** Tue Sep 03, 2013 3:42 pm

ஊணுறக்கம் அற்று பத்து நாட்களாய்
அலைந்து திரிந்து அப்பா
விழித்துக்கிடப்பார் ஓரமாய்....
விதை நெல்லை விற்றும்
விளைநிலத்தை விலைபேசியும்
தேற்றினார்

இராஜலட்சுமி

by **கவியருவி ம. ரமேஷ்** Tue Sep 03, 2013 3:43 pm

சைக்கிள் விடக்கற்றுக் கொண்ட புதிதில்
பிடிமானம் தவறி விழுந்து
ஆடுசதை பிய்ந்த காயம்
ஆறும்வரை அலுக்காமல்
தூக்கிச்சுமந்த... ஒரு துக்க நாளில்
மரணம் தூக்கிப்போன
என் அப்பாவை
நினைத்து...

தமிழச்சி

by **கவியருவி ம. ரமேஷ்** Tue Sep 03, 2013 3:44 pm

தண்டோடு தலைகுனியும் / தாமரையின்
நிறைமாதச் சோர்வோடு / பயணித்த நான்
உறங்குவதற்கு இலகுவாக / உடைமாற்ற
யத்தனிக்கையில் / தள்ளாடி விழுந்து விடுவேனோ
எனும் / உள்ளார்ந்த / பதட்டத்தோடும்
உளியின் நுனியது / விரல்களில் படாது
துளையிடும் சிற்பியின் / கவனத்தோடும்

தமிழச்சி

by **கவியருவி ம. ரமேஷ்** Tue Sep 03, 2013 3:45 pm

மழலையாய்த் / தவழ்கையில் / முன் நகர்கையில்
மெல்லச் சுவர்பிடித்து / எழுந்து நிற்கையில்
நாலெட்டு எடுத்து வைக்கையில்
கைதட்டி ஆர்ப்பரிக்கும் அம்மா
சிறுவயதுப் பந்தயத்தில் / சிட்டாய்ப் பறந்தோடிப்
பெருமையுடன் பார்த்தாள்
வளர்ந்த பருவம் தாண்டுகையில்
விளையாடி முடித்து வீடு நுழைந்தவளை
வெளியில் போனால் / காலை உடைப்பேன் என்கிறாள்

தி. பரமேஸ்வரி

by **கவியருவி ம. ரமேஷ்** Tue Sep 03, 2013 3:48 pm

வந்ததிலிருந்து பேராசைகளாய் ஒலித்தன
அம்மா ஆசைகள் / வாசல் தெளிக்க
மண்தரையும் / கோலம்போட முற்றம்
சாணி உருண்டையும் / பூசணிப்பூவும்
குளியலுக்கு / முழுவாளித் தண்ணியும்
சீரியலுக்குள் தொலையாமல் / ஆற அமர உட்கார்ந்து
கதைபேசசாயங்காலமும்
ஜன்னல் திறந்த ராத்தூக்கமும்

ஆண்டாள் பிரியதர்ஷினி

by **கவியருவி ம. ரமேஷ்** Tue Sep 03, 2013 3:50 pm

அரும்பத் துவங்கியிருக்கும் / முதல் மீசையிலிருந்து
சொட்டுகிறது இன்னமும் / பால் வாசம்
இப்போதம் அறுபடாத / அரூபக்கொடியுடன்தான்
உலவுகிறான் / உடையும் விளிம்பிலிருக்கும்
குரலுடன் / எனது அடிவயிற்றுச் சூடுதேடிய
அவனின் நேற்றுகள் / இன்று நிறைந்திருக்கின்றன
ஆண்மைப் புதிர்களால்...

ஆண்டாள் பிரியதர்ஷினி

by **கவியருவி ம. ரமேஷ்** Tue Sep 03, 2013 3:51 pm

வேற்றூர் சென்றுவிட்டுக்
கணவருடன் திரும்புகையில்
கண்ணில் படுகிறது அம்மா வீடு
அம்மாவைப் பார்க்கும் ஆசையில்
கெஞ்சியும்
மறுத்து நகர்கிறது வண்டி

தி. பரமேஸ்வரி

by **கவியருவி ம. ரமேஷ்** Tue Sep 03, 2013 3:52 pm

கதம்ப மாலையாய் / உன் தோள்களில்
உன் தோழியரின் புன்னகை
கதம்ப மாலைகள் கசங்காமலேயே
அணைக்க நினைக்கிறது / என் தோள்கள்...
… … … …
பெண்ணுரிமை பேசும் / உன் எழுத்துகள்
என்னுரிமையை எப்போதும்
இருட்டடிப்பே செய்கின்றன.

புதியமாதவி

by **கவியருவி ம. ரமேஷ்** Tue Sep 03, 2013 3:53 pm

செடி பார்க்கச் சொல்லி / சுவற்றில் பல்லி பாரென
பார்வை திரும்பி / மருத்துவமனை போவதாய்
பொய்யுரைத்து... / குழந்தையை ஏமாற்றி
அழவிட்டுச் செல்லும் / தாயின் வழித்தடங்கள்
தீப்பிடித்துக் கொள்கின்றன.

இளம்பிறை

by **கவியருவி ம. ரமேஷ்** Tue Sep 03, 2013 3:54 pm

ஓரடி... ஈரரடியுமாய்
நடக்கமுயன்று
தடுமாறி விழுந்தெழும்
கண்மணிச் செல்வத்தை
உறவினர் வீடொன்றில்
விட்டுவந்த
வயிற்றுப் பிழைப்பின்
மிச்சப் பொழுதுகளில்

இளம்பிறை