ஏக்கம்

by sasikalav.nil Mon Sep 30, 2013 3:34 pm

இலைகளில் சொட்டும்
நீர்த்துளியாக
என் மனதைத் தொட்ட
நினைவலைகள்............
சொல்லிக்கொள்ளா சோகம் போலே
எழுதிக்கொள்ளா கவிதை போலே-என்றும்
எனக்குள் நின்றிடும் ஏக்கங்கள்......
எழுதிட்ட கவிதைகள்
ஏடுகளில் தூங்கையிலே
என்றுதான் விடிவென்று
எனை வாட்டும் ஏக்கங்கள்..........
மலையாளக்கரையோரம்
தமிழ் பாடும் குயிலுக்கு
தவறிட்ட வாய்ப்பென்றும்
தாளாத ஏக்கங்கள்...........
முடிந்திட்ட நாளெல்லாம்
முள்ளாக மாறிவிட
வீணாகிப் போனதென்று
விலகாத ஏக்கங்கள்............
ஒர்நாளில் என் படைப்பு
ஒளிகாணும்- ஆனாலும்
உள்ள நொடியெல்லாம்
உயிரற்றுப்போகையிலே
உதிர்ந்திடும் மலராக-என்னை
உலைக்கின்ற ஏக்கங்கள்..........
தமிழென்று கேட்டாலே
தானாக மெய்சிலிர்க்க
தமிழ் மண்ணை தழுவாது
தனியாத ஏக்கங்கள்..............
என் செய்ய....என் செய்ய.....
ஏக்கங்கள் அது தீர?
எவரேனும் வருவீரோ
அதற்கான வழி சொல்ல!!