ந.க.துறைவனின் புதுக்கவிதை

by **ந.க.துறைவன்** Sat Feb 22, 2014 11:33 am

வாழ்ந்தவர்களை
வாழ்கிறவர்கள்
நினைக்கிறார்கள்.

வாழ்கின்றவர்களை
வாழ்கிறவர்களே
வெறுக்கிறார்கள்

வாழ்கிறவர்களைப் பார்த்து
வாழப் போகிறவர்கள்
நொந்துக் கொள்கிறார்கள்.

பல சமயங்களில்
என்னடா வாழ்க்கை
இதுவென்று
சலித்துக் கொள்கிறார்கள்.

இந்த
அங்கலாய்ப்புகளைக் கேட்டு
நக்கலாய் சிரித்தது
வெளி வாராந்தவில்
தொட்டியில் வளர்ந்து
பூத்து மலர்ந்திருக்கும்

ரோஜாப் பூக்கள்.

அருமை

by **ந.க.துறைவன்** Fri Feb 28, 2014 6:32 pm

ஃ யாருமென் பரந்த மனசைப்
புரிந்திடவில்லை யெனப்
பலரிடம் சொல்லிப் புலம்பியவன்
பூரணமாய் மற்றவர் மனசை
உணர்ந்து நடப்பதாய்
என்னவொரு
அதீதநினைப்பு.

ஃ எதையோ பறிகொடுத்தவனாய்
எதற்காக இங்கே நிற்கிறாய் என
எனக்காகப் பரிவு காட்டியவர்க்குத்
தெரியவில்லை, பறிகொடுப்பதற்கு
என்னிடம் இன்னுமென்ன
மிச்சமிருக்கிறதென்று?

ஃ கூடிக்கூடி நிறைய
எதைப் பற்றியோ பேசினார்கள்
ஏதோ ஒன்று அப்பேச்சினால்
முடிவானதாய்ப் பாவித்து
அனைவரும் கலைந்தனர்
அதிர்ச்சியோ மகிழ்ச்சியோ
துயரமோ வெளிக்காட்டாமல்.

அருமை

by **ந.க.துறைவன்** Wed Mar 05, 2014 12:29 pm

சிதறு தேங்காய்
*
செய்த தவறுக்கோ
செய்யாத தவறுக்கோ
தலையில் குட்டிக்
கொண்டுத் தோப்புக்
கரணம் போடுகிறார்கள்
வினாயகர் எதிரில்,
அப் பக்தர்களை
வேடிக்கைப் பார்க்கின்றன
சிதறு தேங்காய்ப்
பொறுக்க வந்தக்
காக்கைகள்.

by **ந.க.துறைவன்** Sat Mar 08, 2014 10:11 am

நண்பர்கள்…
*
தாயுமாகி உதவிச் செய்தத் தியாக முகம்
ஓயாது என்றும் துணையிருந்தத் துறைமுகம்
நட்புக்கு இலக்கணமாய் திகழ்ந்த திருமுகம்
அன்பு முகமானக் கீதா ஆறுமுகம்.
*
சாமியை வணங்காத நாத்திகச் சாமி
ஓமக்குச்சி உடல் தேகச் சாமி்
இசைப் பாடல் பாடும் அய்யா சாமி.
மீசைத் தடவிப் பேசிடும் முனுசாமி.
*
தீயப் பழக்க மில்லாதத் திகம்பரச் சாமி
மெல்ல உதட்டில் சிரிக்கும் மௌனச் சாமி.
கரும்பாய் பேசிப்பேசி இனிக்கும் நல்லச் சாமி.
குறும்புத் தம்பிச் சுறுசுறுப்புக் குப்புச் சாமி.
*
ஊரில் நடக்கும் குசும்பு சம்பவங்களை
உணர்ச்சித் தூண்டும் பாவளையில்
புணர்ச்சிக் கதைகள் சொல்லிச் சொல்லி
உறங்காமல் செய்வார் சுப்பைய்யா வாத்தியயார்.
*
,இன்னும் பலப்பல இனிய நண்பர்கள்
இவ்வணியில் உண்டு நிறையச் சொல்லிடவே
இன்று எங்கெங்கோ இருக்கிறார்கள்-நினைவில்
இனிதே வாழ்ந்து வருகிறார்கள் எனது நண்பர்கள்.

by **ந.க.துறைவன்** Mon Mar 10, 2014 10:47 am

கழிகிறது நேரம்
*
பேச்சுக்குப் பேச்சுப்
புரிகிறதா, புரிகிறதா? என்று
பேசிக் கொள்கிறார்கள்.
எது புரிந்தது எது பரியாதது?
என்பதெல்லாம்
சொல்பவர்க்கும் கேட்பவர்க்கும்
மட்டு்ம் தானே தெரியும்?
அவர்களது பேச்சுத் திறன்
உங்களுக்குப் புரிகிறதா?
இன்னும் பலருக்கும்
புரியாமலேயே இருக்கிறது
அந்தப் பூடகமானப்
பேச்சின் சாரம்.
அப்படிப் பேசிக் கொண்டே
போனதில் வீணாய் கழிகிறது
பொன்னான நேரம்.

by **ந.க.துறைவன்** Thu Mar 13, 2014 1:29 pm

நன்றி திரு.யூஜின் சார்...

by **ந.க.துறைவன்** Tue Mar 25, 2014 11:34 am

மாயா ஜாலம் { புதுக் கவிதை}
*
வெளியிலிருந்துப்
பார்த்தேன்
உள்ளிருப்பது
எதுவும் தெரியவில்லை
உள்ளிலிருந்துப்
பார்த்தேன்
வெளியிலிருப்ப தெல்லாம்
நன்குத் தெரிந்ததுக்
எல்லாம், அந்தக்
கண்ணாடிக் காட்டும்
மாயா ஜாலம்.

by **ந.க.துறைவன்** Wed Mar 26, 2014 11:13 am

அய்யனாரு…!!
*
அய்யனாரு உருவம் பாரு
கண்களிலே கோபம் பாரு
கருத்த மீசை அழகைப் பாரு
பெரிய வாளைக் கையில் பாரு.
*
குதிரையிலே அய்யனாரு
குந்தியிருக்கும் ஜோரைப் பாரு
பக்கத்திலே துணையைப் பாரு
பத்தினிப் பெண் தாயைப் பாரு.
*
சுட்டெரிக்கும் வெயில் பாரு
வெட்ட வெளியின் தகிப்பைப் பாரு
வேப்ப மர நிழலைப் பாரு
வெப்பந் தணியும் உணர்ந்துப் பாரு.
*
குழந்தைகளின் ஆட்டம் பாரு
வாலிபர்கள் சேட்டைப் பாரு
கன்னிப் பெண்கள் கண்ணைப் பாரு
ஆண்களின் அரட்டைப் பாரு.
*
கிழவிகளின் பக்திப் பாரு
முதியவர்களின் குசும்பைப் பாரு.
பலியாடு முழிப்பைப் பாரு
பூசாரியின் சிரிப்பைப் பாரு.
*
பொங்கப் பானைப் பொங்குதுப் பாரு
பொண்ணுங்க முகத்தில் சிரிப்பைப் பாரு
வாழையிலைப் படையல் பாரு
மாவிளக்கு வரிசைப் பாரு.
*
கற்பூர ஆரத்திப் பாரு
கன்னத்திலே போட்டுப் பாரு
குல தெய்வத்தை வணங்கிப் பாரு
வரம் கொடுப்பாள் நாளும் பாரு.

சிறப்பாக உள்ளது தொடருங்கள் ஐயா

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ந.க.துறைவனின் புதுக்கவிதை

ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை

Re: ந.க.துறைவனின் புதுக்கவிதை