தேர்வில் ஃபாலோ பண்ண 10 வழிகள்!

by **அ.இராமநாதன்** Wed Mar 05, 2014 7:28 am

கடந்தாண்டு சென்னையின் தனியார் பள்ளி ஒன்றில்,
கேள்வித்தாள் கடினமென்று தேர்வறையிலிருந்து
மாணவி குதித்த சம்பவம் நிகழ்ந்தது.
-
நல்லவேளையாக, பலத்த காயங்களுடன் அவர்
தப்பி விட்டார்.
-
வருடம் முழுக்க ராத்திரி பகலாக படித்தாலும்
வாழ்க்கையின் அடுத்த கட்டத்தை தீர்மானிப்பது
என்னவோ தேர்வறையில் இருக்கும் அந்தக் கடைசி
மூன்று மணி நேரம்தான்.
-
அந்த மூன்று மணி நேர தேர்வறையை எப்படி
அணுகலாம்? என்ன மேஜிக் செய்தால்,
மதிப்பெண்கள் மொத்தமாக வந்து விழும்?
வரிசைப்படுத்துகிறார்கள் விடைத்தாள் திருத்தும்
பணியில் அனுபவம் வாய்ந்த ஆசிரியர்கள்
சௌந்தரபாண்டியன் மற்றும் ஆர். வெங்கடேசன்.
-
1. வினாத்தாள் வாங்கியதும், ஒருமுறை முழுக்க
வாசித்து விடுவது நல்லது. அப்போதே நன்கு தெரிந்த
கேள்விகள், ஓரளவு தெரிந்தவை, முற்றிலும்
படிக்காதவை என இனம் பிரித்து விட முடியும்.
-
2. கேள்வித்தாளில் உள்ளது போலவே வரியாக
விடையளிக்க வேண்டுமென்றில்லை. "ஒரு மார்க்
கேள்விகள்', "பெரிய கேள்விகள்' எதில் அதிகமான
தெரிந்தவை இருக்கிறதோ அதை முதலில் எழுத
ஆரம்பித்து விடலாம்.
-
3. கேள்வி எண்ணையும் அது எந்தப் பகுதி என்பதையும்
மறக்காமல் குறியிட்டு விட வேண்டும். தவறினாலோ,
மாற்றிப் போட்டு விட்டாலோ, மொத்த மதிப்ப்
எண்ணையும் இழக்க நேரிடும். திருத்துபவர்களுக்கு
வழங்கப்படும் அறிவுரைகளில் "கேள்வி எண் இல்லாத
பதிலுக்கு மதிப்பெண் அளிக்க வேண்டியதில்லை'
என்பது முக்கியமான ஒன்று.
-
4. கையெழுத்து ரொம்பவே முக்கியம். ஆரம்பத்தில்
அழகாக இருக்கும் எழுத்து போகப் போக மாறுவது
இயல்புதான். குறைந்தது முதல் பாதியாவது
கையெழுத்து புரியும்படி, அழகாக இருத்தல் அவசியம்.
-
5. அடித்தல், திருத்தல், ஓவர் ரைட்டிங் போன்றவற்றைத்
தவிர்க்கவும்.
-
6. அக்கம்பக்கத்தில் பார்ப்பது, சோம்பல் முறிப்பது
என நேரத்தை வீணடிக்கும் எந்தச் செய்கையும் கூடாது.
-
7. நேரம் கிடைத்தால் விடைத்தாளை சூப்பர்வைசரிடம்
தரும் முன் ஓரிரு முறை செக் பண்ணிக் கொள்ளலாம்.
-
8. ஏற்கெனவே எழுதி எழுதிப் பழகிய இரண்டு
பேனாக்களை எடுத்துச் செல்ல வேண்டும்.
-
9. பரீட்சை ஹாலுக்கு ரிலாக்ஸாக அரை மணி நேரத்துக்கு
முன்னதாகவே போய் விடலாம். கடைசி நேரத்தில ஒரு
மார்க் விடைகள், ஏற்கெனவே நன்கு படித்திருக்கும்
முக்கியமான பெரிய கேள்விகளை மட்டும் திருப்பிப்
பார்க்கலாம். புதிதாக எதையும் படிக்க வேண்டாம்.
-
10. கேள்வித்தாள் சற்று கடினமானதாகவே இருந்தாலும்,
உடனே மனம் சோர்வாகி விட வேண்டாம்.
சோர்ந்துவிட்டால், தெரிந்த மற்ற கேள்விகளுக்கான
விடையும் மறந்து போகலாம்.

வேறென்ன வேணும், அசத்துங்க மாணவ மாணவிகளே!
ஆல் தி பெஸ்ட்!
-
--------------------------------------------
- அய்யனார் ராஜன்
நன்றி: குமுதம்
--

மாணவர்களுக்கு தேவையான நல்ல பயனுள்ள பகிர்வு

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தேர்வில் ஃபாலோ பண்ண 10 வழிகள்!

தேர்வில் ஃபாலோ பண்ண 10 வழிகள்!

Re: தேர்வில் ஃபாலோ பண்ண 10 வழிகள்!