நயனை ஃபாலோ பண்ணல!

by **அ.இராமநாதன்** Wed Dec 07, 2016 7:26 pm

[You must be registered and logged in to see this image.]
கடவுளின் தேசம் தந்திருக்கும் இன்னொரு தேவதை
மஞ்சிமா மோகன். ‘அச்சம் என்பது மடமையடா’ அறிமுகம்
அவரை இளசுகள் இதயத்தில் பச்சக்கென பசைபோட்டு
ஒட்டிவிட்டது.

சிம்பு, கௌதம் மேனன், தமிழ் சினிமா என்று எதைப்பற்றி
பேசினாலும் வெளிப்படையாக வெளுத்து வாங்குகிறார் மஞ்சிமா.

தமிழ் சினிமா என்ட்ரி ஈஸியா இருந்ததா?

மலையாளத்தில் குழந்தை நட்சத்திரமாக ஆரம்பமானது
என் சினிமா வாழ்க்கை. அதன் பிறகு நான் நாயகியாக
நடித்த ஒரு வடக்கன் செல்ஃபி புரொமோவில் என்னைப் பார்த்த
கௌதம்மேனன் தமிழுக்கும் தெலுங்கிற்கும் ஒரே நேரத்தில்
என்னை அறிமுகம் செய்தார்.

உங்க ஃபேவரைட் டைரக்டர்?
தமிழில் எனக்கு ரொம்ப பிடித்த இயக்குநர்கள் மணிரத்னம்,
கௌதம் மேனன் இவர்கள் படத்துலதான் அறிமுகமாகணும்னு
ஆசைப்பட்டேன். கௌதம் கூப்பிட்டதும் உடனே ஓகே
சொல்லிட்டேன். எனக்கு பிடித்த இயக்குநர் என்பதால் கதைகூட
கேட்கவில்லை.
சிம்புவுடன் நடிக்கணும்னு சொன்னதும் நிறைய பேர்
பயமுறுத்தி இருப்பாங்களே?

ஹே… அதை ஏன் கேட்கறீங்க என்னை ரொம்ப
பயமுறுத்திட்டாங்க. ‘அவர் ரொம்ப மோசமானவர். பார்த்து
ஜாக்கிரதை கொஞ்சம் தள்ளியே இரு’ன்னு நிறைய அட்வைஸ்.
ஷூட்டிங் ஆரம்பிச்சு சில நாட்கள் வரை ரெண்டு பேரும்
ஆளுக்கு ஒரு பக்கம் உட்கார்ந்திருப்போம்.

ஆனா பயந்தது போல ஒண்ணுமே இல்ல. யூ நோ சிம்பு வெரி
சிம்பிள்மேன். ஒன் டேக் ஆர்டிஸ்ட். நல்ல நண்பர், நடிப்பு,
டான்ஸ் பற்றி நிறைய டிப்ஸ் கொடுத்தார்.

தமிழில் பெரிய சம்பளம் என்பதால்தானே நடிக்க வந்தீர்கள்?
அது ஒரு காரணமாக இருந்தாலும் தமிழ் ஃபீல்ட் ரொம்பப்
பெரிசு. அதுல நடிச்சா பெரிய ரீச் இருக்கும். தமிழ் ரசிகர்களுக்கு
பிடிச்சிருச்சுனா தலையில வச்சு கொண்டாடுவாங்க.
அதான் ஆக்சுவல் ரீசன்.

சினிமாவில் உங்க பெஸ்ட் ஃப்ரெண்ட்?

என்னுடைய பெஸ்ட் பிரெண்டும் தமிழில பாப்புலர் ஆர்டிஸ்ட்தான்
கீர்த்தி சுரேஷ். சின்ன வயசு முதலே என் பெஸ்ட் ஃபிரெண்ட்.

தமிழுக்கு வந்த மலையாள நடிகைகளில் யாரை ஃபாலோ
பண்ணுவீங்க?

நயன்தாரா நடிப்புல ஒருமேஜிக் இருக்கு.
எல்லாவித கேரக்டரிலும் தன்னை நிரூபிக்கிறாங்க.
அவங்க நடிப்பு, டான்ஸ், டயலாக் டெலிவரி, ரொமான்ஸ் சீன்,
காமெடி சீன்னு எல்லாத்திலும் ரசிக்க வைக்கிறாங்க.
அவங்களைப் பிடிக்கும் ஆனா அவங்களை ஃபாலோ பண்ணலை.
–
————————————————-
– சபீதா ஜோசப்
குமுதம்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நயனை ஃபாலோ பண்ணல!

நயனை ஃபாலோ பண்ணல!