ஏரிகாத்த ராமர் கோயில் - மதுராந்தகம்

by **அ.இராமநாதன்** Wed Apr 30, 2014 7:10 am

--
-
இங்கு அருள்பாலித்து வருகிற பகவான் கோதண்டராமருக்கு
ஏரிகாத்தராமர் என்றொரு பெயர் உண்டு. வைணவ
ஆச்சாரியரான ஸ்ரீராமானுஜருக்கு இந்த மதுராந்தகத்தில்தான்,
அவரது குருஸ்ரீ பெரிய நம்பிகள் மூலமாக பஞ்ச சமஸ்கார
உபதேசம் பெற்றார்.
-
அவரது உபதேசத்தில் அஷ்டாச்சரம், த்வயம் சரமஸ்லோகம்
போன்றவை தெரிவிக்கப்பட்டு இருந்தது.
-
த்வயம் என்ற மந்திரம் சிறப்புடன் உபதேசிக்கப்பட்டதால்,
த்வயம் விளைந்த திருப்பதி என்றும், சதுர்வேதி மங்கலம்,
வகுளாரண்யம் போன்ற சிறப்பு பெயர்களால் மதுராந்தகம்
நகரம் அழைக்கப்படுகிறது.
-
சோழ மண்டலத்தை, ராஜராஜ சோழனுக்கு முன்னால்
ஆண்ட, உத்தம சோழன் என அழைக்கப்படுகிற மதுராந்தக
சோழனால், வேதம் ஓதும் அந்தண பெருமக்களுக்கு
மானியமாக வழங்கப்பட்ட நகரமே மதுராந்தகம்.

இக் கோயில் இந்து சமய அறநிலையத் துறையின்
நேரடி கட்டுப்பாட்டில், இயங்கி வருகிறது.

எங்கும் இல்லாத, விபண்டக மகரிஷி வேண்டிக்
கொண்டதன்பேரில், ஸ்ரீ ராமபிரான் சீதாதேவியின்
கையைப் பிடித்துக் கொண்டு, திருக்கல்யாணக்
கோலத்தில் இக்கோயிலின் கருவறையில்
எழுந்தருளி பக்தர்களுக்கு காட்சி அளித்து வருகிறார்.
-
ஆங்கிலேயர் காலத்தில் செங்கை ஆட்சியரான
பிளேஸ்துரையிடம் ஊர்மக்கள் "ஆண்டுதோறும்,
இவ்வூர் ஏரி நீர் நிறைந்து உடைப்பெடுத்து,
ஊருக்கு சேதம் விளைவிக்கிறது. பராமரிப்பு
செய்து அதைச் சரி செய்ய வேண்டும்.

அதேபோல இங்குள்ள ஜனகவல்லி தாயார்
சந்நிதியும் சேதம் அடைந்து உள்ளது. தாயாரின்
கோபத்தினால் கூட இதுமாதிரி சம்பவங்கள்
நடந்து இருக்கலாம்' என முறையிட்டனர்.

அதற்கு பிளேஸ்துரை, "இங்கு கோயில்
கொண்டுள்ள ஸ்ரீராமபிரானும், ஜனகவல்லி
தாயாரும் சக்தி உடையவர்களாக இருந்தால்,
ஏரி உடையாமல் பெரும் ஆபத்தில் இருந்து
மக்களை காப்பாற்றட்டும்.

அதன் பிறகு, இந்த கோயிலின் திருப்பணிக்கு
பெரும் உதவியை செய்து தருகிறேன்' என்றார்.

வில், அம்புடன் ஏரியை காத்த ராமர்:

அதேபோல, அந்த ஆண்டு மழைக்காலத்தில்
ஏரி நிரம்பி வழிந்தோடியது. எந்நேரமும்
ஏரிக்கரை உடையலாம் என்ற பதற்றமான
சூழ்நிலையில், பலத்த மழை, இடிமின்னல்
பொருட்படுத்தாமல், அன்று இரவு ஏரியின்
நிலைமையை அறிய பிளேஸ்துரை நேரில்
சென்று பார்வையிட்டார்.

ஏரிக்கரையின் மீது நடந்து வந்த பிளேஸ்துரை,
ஸ்ரீராமபிரான், தனது தம்பி லட்சுமணனுடன்
ஏரிக்கரை உடையாமல், வில், அம்பு ஏந்தியபடி
காத்து நிற்கும் அதிசயக் காட்சியை கண்டார்.

இந்த அதிசயம் அடங்கிய, பிளேஸ்துரை
எழுதிய குறிப்புகளை, சென்னை ஆவணக்
காப்பகத்தில் இன்றும் காணலாம்.

இவ்விதம் ஸ்ரீராமபிரான் ஊரை காப்பாற்றியதால்,
பிளேஸ்துரை, கோயிலுக்கு வந்து ஊர் மக்களுக்கு
உறுதியளித்தபடி, ஜனகவல்லி தாயார் சந்நிதியைப்
புதுப்பித்து திருப்பணி செய்தார்.
-
----------------------------------

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஏரிகாத்த ராமர் கோயில் - மதுராந்தகம்

ஏரிகாத்த ராமர் கோயில் - மதுராந்தகம்

Re: ஏரிகாத்த ராமர் கோயில் - மதுராந்தகம்