ராக்கெட்

ராக்கெட்
(சில அடிப்படை தகவல்கள்)

* ராக்கெட் என்பது செயற்கைக்கோள்களை வான்வெளியில் செலுத்தப் பயன்படும் ஏவுவாகனம். நாம் பூமியில் பயன்படுத்தும் வாகனம் இயங்க காற்று அவசியம். ஆனால் விண்வெளியில் காற்று கிடையாது என்பதால் ராக்கெட் அவசியமாகிறது.

* விண்ணிற்கு செல்ல தேவையான பல டன் எடையுள்ள எரிபொருளையும், ஆக்சிஜனையும் சுமந்து செல்லும் வகையில் ராக்கெட் வடிவமைக்கப்பட்டிருக்கும்.

* அந்த எரிபாருளையும் ஆக்சிஜனையும் சரியான முறையிலும் அளவிலும் சேர்க்கும்போது, அது எரிந்து, மிகுந்த வெப்பத்தில் வாயு உருவாகும். அந்த வாயுவை அதிகமான அழுத்தத்துடனும் வேகத்துடனும் வெளியேற்றுமாறு ராக்கெட்டின் செயல்பாடு இருக்கும். அப்படி வேகமாக வரும் வெப்ப வாயுக்களால் ராக்கெட் முன்செல்கிறது.

* இந்த இயக்கம் நியூட்டனின் மூன்றாவது விதியான "எந்த ஒரு வினைக்கும் அதற்குச் சமமான எதிர்வினை உண்டு' என்பதை அடிப்படையாகக் கொண்டது.

ராக்கெட்டின் வடிவமைப்பு

* ராக்கெட் மூன்று அல்லது நான்கு அடுக்குகளாக அமைந்திருக்கும். ஒவ்வொன்றிலும் எரிபொருளும் என்ஜினும் இருக்கும். இவை ஒன்றன் மீது ஒன்றாக அடுக்கப்பட்டு இருக்கும். மேலே தலைப்பகுதியில் செயற்கைக்கோள் பொருத்தப்பட்டிருக்கும்.

* முதல்கட்டப் பொறியிலுள்ள எரிபொருள் பயன்படுத்தப்பட்டு, அது எரிந்து தீர்ந்தவுடன் அந்த அடுக்கு (கட்டம்) கழற்றிவிடப்படும். அடுத்து இரண்டாவது, மூன்றாவது என அதே வகையில் செயல்படும்.

* ஆரம்பத்தில் புவி ஈர்ப்பு விசைக்கு எதிராகவும் செங்குத்தாகவும் கிளம்புவதால் ராக்கெட்டின் தொடக்க வேகம் ஓரளவாக இருக்கும். பின் சற்று மேலே சென்றவுடன் பூமியின் சுழற்சிக்கு ஏற்ப சற்று சாய்வாக செல்வதாலும், எடை குறைந்து விடுவதாலும் வேகம் அதிகரிக்கும். ராக்கெட் சூழ்நிலைக்கும் தேவைக்கும் ஏற்ப ஒரு மணி நேரத்திற்கு சுமார் 10,000 கி.மீ. முதல் 40,000 கி.மீ. வேகத்தில் செல்லும்.

* இந்த ராக்கெட்டின் தொலைவும் வேகமும் செல்லும் திசையும் பூமியிலிருந்து ராக்கெட் கட்டுப்பாட்டு மையத்தினால் கணினி மூலம் கட்டுபடுத்தப்படுகிறது.

* இப்படி படிப்படியாக மேலே செல்லும் ராக்கெட் ஏற்கெனவே தீர்மானிக்கப்பட்ட நேரத்திலும் சுற்றுவட்டப் பாதையிலும் செயற்கைக்கோளைக் கொண்டு சேர்த்துவிடும்.

* பூமியிலிருந்து ஆரஞ்சு வண்ண நெருப்புப்பிழம்பை கக்கிக்கொண்டு விண்ணில் சீறிப் பாய்ந்து செல்லும் ஏவுவாகனத்தின் வேலை, செயற்கைக்கோளை குறிப்பிட்ட இடத்தில் நிலைநிறுத்தியவுடன் நிறைவு பெறும்.

-கே.பார்வதி, திருநெல்வேலி.

நன்றி தினமனி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ராக்கெட்

ராக்கெட்