இரு தினங்களுக்கு கனமழை நீடிக்கும்

சென்னை: ""தமிழகத்தின் உள் மாவட்டங்களில், அனேக இடங்களிலும், வட மாவட்டங்களில் ஒருசில பகுதிகளிலும், கனமழைக்கு வாய்ப்புள்ளது,'' என, சென்னை வானிலை ஆய்வு மைய இயக்குனர், ரமணன் தெரிவித்தார்.
வங்கக் கடலில் உருவாகிய காற்றழுத்த தாழ்வு பகுதி வலுவடைந்து, நேற்று முன்தினம் காலை, தென் கேரளாவில், தீவிர காற்றழுத்த தாழ்வு பகுதியாக நிலை கொண்டிருந்தது. இதன் காரணமாக, தமிழகத்தின் பெரும்பாலான பகுதிகளில், கனமழை பெய்துள்ளது.

இதுகுறித்து, சென்னை வானிலை ஆய்வு மைய இயக்குனர், ரமணன் கூறியதாவது: தீவிர காற்றழுத்த தாழ்வு பகுதி வலுவிழந்து, காற்றழுத்த தாழ்வு பகுதியாக, வட கேரளாவை அடுத்த, அரபிக்கடல் பகுதியில் நிலை கொண்டுள்ளது. இது மீண்டும் வலுவடையும் என, எதிர்பார்க்கப்படுகிறது. கடந்த 24 மணி நேரத்தில், தமிழகம் மற்றும் புதுச்சேரியில், அனேக இடங்களில் கனமழை பெய்துள்ளது. அதிகபட்சமாக, ராமநாதபுரத்தில், 13 செ.மீ., மழை பதிவாகி உள்ளது. அடுத்த, 24 மணி நேரத்தில், தமிழகத்தின் உள் மாவட்டங்களில், அனேக இடங்களிலும், வட மாவட்டங்களில் ஒருசில இடங்களிலும், கனமழைக்கு வாய்ப்புள்ளது. கடல் கொந்தளிப்புடன் இருப்பதால், லட்சத்தீவு, கேரளா, கர்நாடக மீனவர்கள், கடலுக்குள் செல்ல வேண்டாம் என, அறிவுறுத்தப்படுகிறது. இவ்வாறு, அவர் கூறினார். கடந்த சில தினங்களாக, தமிழகத்தின் பெரும்பாலான பகுதிகளில் பெய்து வரும் மழை காரணமாக, தென் மாவட்டங்களில் உள்ள அணைகள் நிரம்பி வருகின்றன. இத்துடன், அணைகளுக்கு நீர் வரத்தும் அதிகரித்துள்ளது. மழைக்கு, மதுரை மற்றும் கன்னியாகுமரியில், மூவர் உயிரிழந்துள்ளனர்.

நன்றி தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

இரு தினங்களுக்கு கனமழை நீடிக்கும்

இரு தினங்களுக்கு கனமழை நீடிக்கும்