காந்தியடிகளின் பொறுமை...

by **அ.இராமநாதன்** Thu Jul 17, 2014 11:14 am

காந்தியடிகள் தென்னாப்பிரிக்காவில்
வழக்குரைஞராகப் பணிபுரிந்து கொண்டிருந்த
காலம் அது.
-
ஒரு நாள் தலை முடியை வெட்டி சீர் செய்வதற்காக
கடைவீதிக்குச் சென்றார்.
-
வீதியில் பெரும்பாலும் வெள்ளையர்களின் முடி
அலங்கார நிலையங்களே இருந்தன. அவர்கள்
யாரும் கருப்பரான காந்திக்கு முடி வெட்ட மறுத்தனர்.
-
காந்தியடிகள் ஒரு கத்திரிக்கோல் வாங்கி, தானே
முடியை வெட்டிக் கொண்டார். அவருக்குச் சரியாக
முடி வெட்டத் தெரியாததால் தலை
அலங்கோலமாகக் காணப்பட்டது.
-
அதைப் பொருட்படுத்தாமல், காந்தியடிகள் நீதிமன்றப்
பணிக்குச் சென்றார்.
-
அங்கிருந்த வெள்ளைக்கார வழக்குரைஞர்கள்,
"காந்தி, உமது தலையை எலி கடித்துவிட்டதா?'
என்று கிண்டலடித்தனர்.
-
காந்தி பொறுமையாக, "நண்பர்களே, எனக்குச் சேர
வேண்டிய பெருமையை எலிக்குக் கொடுப்பதை
ஆட்சேபிக்கிறேன். எல்லாம் என் கைவண்ணமே...'
என்று சிரித்துக் கொண்டே சொன்னார்.
-
---------------------------------------