மன்னா எதிரி நாட்டு மன்னருக்கு உங்கள் மீது பாசம் அதிகம்.

எப்படிச் சொல்கிறீர் அமைச்சரே?

புறாவுக்கு பதில் குறும்பாடு காலில் கட்டி உங்களுக்கு ஓலை அனுப்பியிருக்கிறாரே!!

***

தளபதியாரே… என்னையும் எதிரி நாட்டு மன்னனையும்
ஒப்பிடுங்களேன்…

அவனுக்கு வாள் பலம்; உங்களுக்கு… கால் பலம்!!

***

நமது மன்னர் இந்த அளவுக்கு நமீதா ரசிகராக இருக்கக் கூடாது…

எப்படிச் சொல்கிறாய்…

மந்திரியைக் கூட மச்சான் என்றே அழைக்க ஆரம்பித்துவிட்டார்!!

***

நல்ல விலை கிடைத்தால் அரண்மனையை விற்று விடலாம் என்று நினைக்கிறேன் அமைச்சரே!

அந்தப்புரத்தை மட்டும் நான் வாங்கிக் கொள்கிறேன் மன்னா!!

***
அமைச்சரே.. எங்கே எனது உறைவாளைக் காணவில்லை?

விட்டுத் தள்ளுங்கள் மன்னா… உங்களுக்கு உபயோகப்படாத அந்த வாள் யாராவது ஒரு வீரனுக்கு உதவட்டுமே!!

***

தூங்கிக் கொண்டிருக்கிற புலியை எதிரி நாட்டு மன்னன் ஓலை அனுப்பி உசுப்பி எழுப்பி விட்டான்…

இப்போது என்ன செய்யப் போகிறீர் மன்னா?

சாப்பிட்டுவிட்டு மீண்டும் தூங்க வேண்டியதுதான்!

***

மன்னா… என் பாடலில் என்ன குறை கண்டீர்? சொற்குற்றமா… பொருட் குற்றமா?

கஜானா காலியாக உள்ள இந்த நேரத்தில் நீர் பாடியதே குற்றம்தான் புலவரே!

***

போர்க்களத்திலிருந்து தப்பி ஓடிவரும்போது நம் மன்னரின் மேல் துண்டு நழுவி விழுந்துவிட்டது…

வழக்கமாக புறமுதுகு காட்டுவார், இந்த முறை பூரா முதுகையும் காட்டிவிட்டார் போலிருக்கிறது!

***

மன்னா… மகாராணியைக் கடத்திக் கொன்றவன் பத்தாயிரம் பொற்காசுகள் தந்தால்தான் விடுவிப்பானாம்…

நல்ல வேளை அத்தனை பொற்காசுகள் கஜானாவில் இல்லை!!

***

அமைச்சரே, புறா மட்டும் வந்துள்ளது… செய்தி ஒன்றும் இல்லையே?

அண்டை நாட்டு அரசன் ‘மிஸ்டு கால்’ கொடுத்துள்ளான் மன்னா… நாம்தான் செய்தி அனுப்ப வேண்டும்!!

***

அமைச்சரே பொற்கொடியைத் தூக்குங்கள் என்கிறீரே, நமது அரண்மனையில் அப்படி யாரும் இல்லையே…

ஐயோ மன்னா… நான் தூக்கச் சொன்னது போர்க்கொடியை!

***

மன்னர் புலவர் மீது ஏன் இவ்வளவு கோபமாக இருக்கிறார்?

‘ஒரு கூடை ட்யூப் லைட், ஒரு கூடை ஃப்யூஸ் லைட்’ என்று பாடிவிட்டாராம்!

***

அடேய்… இப்போது எதற்காக போர் முரசு கொட்டினாய்?

பயப்படாதீர்கள் மன்னா… ஓயாத உங்கள் விக்கல் இப்போது நின்றுவிட்டது பார்த்தீர்களா!!

அருமை, வாழ்த்துக்கள், தொடர்ந்து உங்கள் படைப்புகளை அள்ளி தூவுங்கள்

மன்னிக்கவும் என் படைப்பல்ல. இவை படித்ததில் பிடித்தது

எனக்கும் இது படித்தப்போ பிடித்ததுவிட்டது
தொடர்ந்து நீங்கள் படித்துச் சுவத்தவற்றை அள்ளி தூவுங்கள் நாங்களும் சுவைக்கட்டும்

ஆஹா படித்ததில் நிறைய பிடித்துள்ளதே.

அருமை.