எண்ணற்ற கணிதம்

by **அ.இராமநாதன்** Mon Sep 01, 2014 12:01 am

குழந்தை ஜனனமாகும் மாதங்கள் பத்தாக இருக்கட்டும்

கோவிலில் கிரகங்கள் ஒன்பதாக இருக்கட்டும்

வரம் தரும் லட்சுமிகள் எட்டாக இருக்கட்டும்

வாரத்தில் நாட்கள் ஏழாக இருக்கட்டும்

அருள்முருகன் படைவீடு ஆறாக இருக்கட்டும்

அகிலத்தில் பூதங்கள் ஐந்தாக இருக்கட்டும்

சதுரத்தின் பக்கங்கள் நான்காக இருக்கட்டும்

சங்கத் தமிழ்களோ மூன்றாக இருக்கட்டும்

பூமிக்குத் துருரங்கள் இரண்டாக இருக்கட்டும்

புவிமீது மக்களெல்லாம் ஒன்றாக இருக்கட்டும்

போர் மட்டும் இவ்வுலகில் பூஜ்யமாய் இருக்கட்டும்

பொங்குகின்ற அன்புமட்டும் எண்ணற்று இருக்கட்டும்!
-
-----------------------------------------