தடைதகர்த்து வாழும் தமிழ்

by **karumalaithamizhazhan** Sat Oct 25, 2014 5:30 pm

தடைதகர்த்து வாழும் தமிழ்!
பாவலர் கருமலைத்தமிழாழன்

கடல்பொங்கி நிலம்மூழ்கி அழிந்த போதும்
            களப்பிரரின் இருட்கால ஆட்சி தம்மில்
இடம்சிறிதும் கொடுக்காமல் தடுத்த போதும்
            இனிமையான பாசுரங்கள் பாடா வண்ணம்
கடலுக்குள் கல்கட்டிப் போட்ட போதும்
            காளவாய்க்குள் உடல்வேக நுழைத்த போதும்
விடவாயால் கரையான்கள் அரித்த போதும்
            வீழாமல் தமிழ்மொழிதான் நின்ற திங்கே!

அணியாகக் காப்பியங்கள் இருந்த போதும்
            அறநூல்கள் நுதல்பொட்டாய்த் திகழ்ந்த போதும்
மணியாக இலக்கணங்கள் ஒளிர்ந்த போதும்
            மணிப்பிரவாள நடையினில் எழுதி யுள்ளே
பிணியாக வடமொழியை நுழைய வைத்துப்
            பீடுடைய வேதமொழி என்றே போற்றித்
தனித்தமிழை அழிப்பதற்கே முயன்றபோதும்
            தழல்பொன்னாய் அழுக்ககன்று நின்ற திங்கே!

அன்னியரின் அடிமையாலே ஆங்கி லந்தான்
            அறிவியலைத் தருமென்றும் வேலை வாய்ப்பைப்
பன்னாட்டில் கொடுக்குமென்றும் மாயை தோற்றிப்
            பசுந்தமிழைச் சிறாரிடத்தில் மறைத்த போதும்
எந்நாடும் போற்றிடவே கணினிக் குள்ளும்
            ஏற்றமுடன் இணையத்தில் தலைமை யேற்றும்
தன்னிறைவாய்ப் பல்துறையின் வளங்கள் பெற்றே
            தமிழ்மொழியும் தடைதகர்த்தே வாழும் என்றும்!

அருமை அருமை

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தடைதகர்த்து வாழும் தமிழ்

தடைதகர்த்து வாழும் தமிழ்

Re: தடைதகர்த்து வாழும் தமிழ்