வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

பெருமை சேர்த்த பேரழகி

தமிழ்த்தோட்டம் :: கவிதைச் சோலை :: சொந்தக் கவிதைகள்

Page 1 of 1

பெருமை சேர்த்த பேரழகி

by karumalaithamizhazhan Mon Nov 24, 2014 8:40 pm

பெருமை சேர்த்த பேரழகி
                       பாவலர் கருமலைத்தமிழாழன்

எங்கிருந்தோ   வந்தவள்தான்   என்னுள்   ஒன்றி
    என்னவளாய்   ஆகிவிட்டாள் ; தன்னை ஈன்ற
தங்கநிகர் பெற்றோரைப்   பிரிந்து   வந்த
    தனிமையெனும்   துயர்வாட்டி   வதைத்த போதும்
மங்கலமாம்   புதுவாழ்வு    மனையோர்   தம்மின்
    மனம்மகிழத்   தன்முகத்தில் நகையைக்   காட்டிச்
சங்கீத மெட்டியொலி   காதில் வீழச்
    சந்தனமாய் வலம்வந்தாள்   மணத்தை   வீசி !

பாவலனாம்   எனைமணந்த   கார   ணத்தால்
    பாவமவள்   என்தனிமைக்   கிடையூ   றின்றிக்
காவலாக   இருந்துபாடல்   எழுத   வைத்தாள்
    கங்குலெல்லாம்    படிக்கின்ற   போதும்   என்னை
ஆவலுடன்   பார்த்தன்றிச்    சினந்தா ளில்லை
    அடுக்களையின்   பணியோடு   எனக்கும் செய்து
பூவழகு   போல்மலர்ந்த    முகத்தி னோடு
    பூரித்தே   குடும்பத்தைக்   காத்து   நின்றாள் !

வருவாயைப்    பெருக்குதற்கே   தையல்   வேலை
    வண்ணமிகு    பூவேலை    கற்றுத்   தந்து
தெருவிலுள்ள    குழந்தைகட்குப்   பாடம்   சொல்லித்
    தெளிவான   சிந்தையுடன்   சேமிப்    பாக்கிப்
பொறுப்புடனே   மூவரினை    வளர்த்தா   ளாக்கிப்
    பொழிகின்ற   தூயவன்பால்   சுற்றம்   பேணிப்
பெருமையினை    நான்பெறவே   துணையாய்    நிற்கும்
    பேரழகி    என்மனைவி    போல்யா    ருண்டு !
                                               ***********

karumalaithamizhazhan: ரோஜா; Posts : 161
Points : 475
Join date : 01/10/2014
Age : 73
Location : Hosur. Tamil nadu, India