போதை நாடு

by **karumalaithamizhazhan** Fri Mar 20, 2015 2:35 pm

போதை நாடு

பாவலர் கருமலைத்தமிழாழன்

காந்திநாடு    என்றழைத்த    பெருமை   யோடு
          காந்திவழி   நேருநாடு    என்றே    போற்ற
சாந்திநாடு    எனவணங்கி    சிறப்பு    செய்ய
          சமாதான    நாடென்றே    புகழ்ந்து    பேச
ஏந்திகையில்    ஆன்மீகம்     பிறந்த    நாடு
          எண்ணற்ற    ஞானியர்கள்    வாழ்ந்து ;   ஞால
மாந்தர்க்கே    வழிகாட்டி    நின்ற    நாடாய்
          மாண்புடனே    திகழ்ந்திருந்த   நல்ல    நாடு !

வீற்றிருந்தே    ஆட்சிசெய்த     தலைவ     ரெல்லாம்
          வீடுசுற்றம்    எண்ணாமல்    நாட்டு    மக்கள்
ஏற்றமொன்றே    குறிக்கோளாய்    உழைத்துத்    தொண்டால்
          எழில்சேர்த்த    நாடென்றே    உயர்ந்த    நாடு !
வேற்றுமையில்   ஒற்றுமையைக்    கண்ட   நாடு
          வேறுவேறு     மதமிருந்தும்     மொழியி    ருந்தும்
ஏற்றதாழ்வு    இல்லாமல்    இருந்த    நாடு
          எனஉலகோர்    வியப்புடனே     தொழுத    நாடு !

மதபோதை    சாதிபோதை    மொழிகள்   போதை
          மனமெல்லாம்    தன்னலத்துப்     போதை    யேறப்
பதவிபோதை    அதிகாரப்    போட்டிப்    போதை
          பணப்போதை    அதைச்சேர்க்க    ஊழல்    போதை
விதவிதமாய்    இலவசத்தால்   வந்த    போதை
          விபரீத    வன்முறைகள்    போதை ; வாழ்வை
நிதமிங்கே    அழிக்கின்ற    மதுவின்    போதை
          நிறைந்திருக்கும்    போதைநாடாய்     ஆன    தின்று !

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

போதை நாடு

போதை நாடு

Re: போதை நாடு