குழந்தை வரம் தரும் வேற்குழவி வேட்கை

by **அ.இராமநாதன்** Fri May 06, 2016 10:40 am

[img(458.90624px,310.90624px)]http://kungumam.co.in/kungumam_images/2014/20140616/14a.jpg[/img]

-

கடந்த 2-6-2014 ‘குங்குமம்’ இதழில்,
பாம்பன் சுவாமிகள் அருளிய
‘குழந்தை வரம் தரும் வேற்குழவி வேட்கை’
பாடலைப் பற்றி டாக்டர் சிவகடாட்சம் குறிப்பிட்டிருந்தார்.

ஏராளமான வாசகர்கள் அ ந்தப் பாடலைப் பிரசுரிக்குமாறு
கேட்டுக் கொண்டார்கள். அவர்களுக்காக...
-
----------------

1. பதினே ழொன்றும்விழை செய்ய பாத மோலிட நன்
மதிபோன் மாமைமுக மண்ட லம்ப குக்கநகுங்
கதியே வேற்குழவீ நின்னைக் காத லாற்றழுவ
நிதியே வாராயோ கைக ணீளு கின்றனவே
-
2. சீவி முடித்தசிகை செம்பொற் சுட்டி நன் குழைகள்
மேவு முறுப்புநிழல் செய்ய வாடும் வேற்குழவீ
ஏவல் கொடுத்தருள வெண்ணி யென்முன் வாராயோ
கூவை வெறுத்த கண்க ளிச்சை கொள்ளு கின்றனவே
-
3. பாவே றுஞ்சவையர் மெச்சிப் பாடும் வேற்குழவீ
சேவே றுன்பவளத் தெய்வ வாயை யேதிறந்து
தூவே றின்கரைக ளிங்குச் சொல்ல வாராயோ
கோவே யென்செவிக ளிச்சை கொள்ளு கின்றனவே
-
4. பொன்னார் கண்டசர நன்கு பூண்ட தங்கவொளிக்
கொன்னார் வேற்குழவீ நல்ல கொவ்வை நின்னிதழை
என்னார் வந்தீர விங்கு நல்க வாராயோ
உன்னா ருண்ணிலையும் வாயு மூறு கின்றனவே
-
5. எண்ணே றும்பலயி லென்ற வேல்பி டித்தசையுங்
கண்யே செங்குழவீ யென்றன் கண்க ணாடழகே
தண்ணே றும்வதன முத்தந் தாரா யோபிறிது
நண்ணா வென்னுளந்தா னின்னை நாடு கின்றதரோ
-
6. முத்தே மாமணியே முல்லை வெட்சி நன்கடம்பு
வைத்தா ரம்புனைந்தென் முன்னர் வாரா யோவுழலுஞ்
சித்தார் வேற்குழவீ யுச்சி செவ்வன் மோந்துகொள்ள
வித்தே யென்மூக்கி னிச்சை மீறு கின்றதரோ
-
7. ஐயார் நல்லரையிற் பொன்வடங்க ளாடவுழல்
வையார் வேற்குழவீ யிங்கு வாரா யோகால்கள்
மையார் கண்மலர்க ளின்பு மல்க மோந்து கொள்ள
மெய்யா யென்மூக்கி னிச்சை மீறு கின்றதரோ
-
8. பொன்போன் மேனியிலே நல்ல பூம ணங்கமழும்
இன்பே வேற்குழவீ யிங்கு வாரா யோவிரியா
அன்பார் புன்முறுவல் செய்யு மார்விற் பல்லழகென்
துன்பீ ரம்பெனவே னெஞ்சந் துள்ளு கின்றதரோ
-
9. கள்ளார் செங்கரும்பே கண்டு தேனே யின்னமுதுண்
கிள்ளாய் வேற்குழவீ யன்பர் கேளே மாதுமையாள்
பிள்ளாய் கண்ணியொன்று நல்ல பெட்பி னான்றருவேன்
தள்ளா தேகொளற்கென் முன்னர் வாரா யோதகையே
-
10. மாண்பார் சந்தமுனி யின்ப வாழ்வே நின்னெழிலைக்
காண்பார் வேறழகு மிங்குக் காண்பார் கொல்லோநான்
ஊண்பா டஞ்சியுனை நன்கு காண்பா னின்றுவந்தேன்
வீண்போ காதபடி யிங்ஙன் வாராய் வேற்குழவீ
-

- வீட்டின் பூஜையறையில் முருகன் படத்தை வைத்து
விளக்கேற்றி இப்பதிகத்தை பாராயணம் செய்து வந்தால்
புத்திர தோஷம் நீங்கி, சந்ததி விருத்தியாகும்.

குடும்ப பாரம்பரியத்தைக் காக்கும் திறனுள்ள நல்ல
குழந்தை பிறக்கும். இதை யார் வேண்டுமானாலும்
யாருக்காக வேண்டுமானாலும் படிக்கலாம்.
-
--------------------------
நன்றி- குங்குமம்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

குழந்தை வரம் தரும் வேற்குழவி வேட்கை

குழந்தை வரம் தரும் வேற்குழவி வேட்கை