புதிய கட்சி தொடங்கி தேர்தலை சந்திக்க அகிலேஷ் யாதவ் திட்டம்!

by **அ.இராமநாதன்** Mon Oct 24, 2016 7:47 pm

லக்னோ:
உத்தரப்பிரதேச மாநிலத்தில் ஆளும் சமாஜ்வாதி
கட்சிக்குள் குடும்ப கோஷ்டி பூசல் நாளுக்கு நாள்
வலுத்து வருவதால், புதிய கட்சி தொடங்கி வரும்
சட்டப்பேரவைத் தேர்தலை சந்திக்க முதல்வர்
அகிலேஷ் யாதவ் திட்டமிட்டிருப்பதாக தகவல்கள்
வெளியாகியுள்ளன.

உத்தரப்பிரதேச மாநிலத்தில் கடந்த 2012-ம் ஆண்டு
நடைபெற்ற சட்டப்பேரவைத் தேர்தலில் முலாயம் சிங்
தலைமையிலான சமாஜ்வாதி கட்சி அதிக இடங்களில்
வெற்றிபெற்று ஆட்சியை பிடித்தது. இதையடுத்து,
அவரது மகன் அகிலேஷ் யாதவ் முதல்வரானார்.
-
இதையடுத்து ஆட்சி நிர்வாகத்திலும், கட்சியிலும் பல
அதிரடி மாற்றங்களை கொண்டு வந்தார் அகிலேஷ்.
இதனால் கட்சிக்குள் கோஷ்டிபூசல் மற்றும் குடும்ப
கோஷ்டி பூசல் வலுக்கத் தொடங்கியது.

கட்சியின் முக்கிய தலைவர்களில் ஒருவரான
முலாயம் சிங்கின் உடன்பிறந்த சகோதரர் ஷிவ்பாலின்
செல்வாக்கு சரியத் தொடங்கியது. இதனால் கடும்
அதிருப்தியடைந்த அவர், தனது அமைச்சர் பதவியையும்
ராஜிநாமா செய்தார்.

இதுபோன்ற நிகழ்வுகளால், அகிலேஷ் மீது அவரது தந்தையும்,
சமாஜ்வாதி தலைவருமான முலாயம் சிங் கடும் அதிருப்தி
அடைந்தார்.

இதையடுத்து, தற்போது புதிய கட்சி தொடங்கும் முடிவில்
அகிலேஷ் இருப்பதாக அங்கிருந்து வரும் செய்திகள்
தெரிவிக்கின்றன. இதற்காக அவரது நெருங்கிய ஆதரவாளரும்,
கட்சியின் பொதுச் செயலாளருமான ராம்கோபால் யாதவ்,
அண்மையில் தில்லியில் தேர்தல் ஆணைய அதிகாரிகளை
சந்தித்துப் ஆலோசனை நடத்தியதாக கூறப்படுகிறது.

தனக்கென தனி ஆதரவாளர் கூட்டத்தை கொண்டுள்ள
அகிலேஷ் யாதவ், அடுத்த ஆண்டு நடைபெறவுள்ள சட்டப்
பேரவைத் தேர்தலுக்கு முன்பே புதிய கட்சியை தொடங்கி,
அதன்மூலம் பேரவைத் தேர்தலை சந்திக்க
திட்டமிட்டிருப்பதாகவும் அவரது நெருங்கிய ஆதரவாளர்கள்
கூறுகின்றனர்.
-
----------------------------------
தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

புதிய கட்சி தொடங்கி தேர்தலை சந்திக்க அகிலேஷ் யாதவ் திட்டம்!

புதிய கட்சி தொடங்கி தேர்தலை சந்திக்க அகிலேஷ் யாதவ் திட்டம்!