இந்தியாவிலுள்ள கிராமப்புறங்களில் பல்வேறு வேலை வாய்ப்புத் திட்டங்களை இந்திய அரசு அறிமுகப்படுத்தி செயல்படுத்தி வருவது நாம் அறிந்ததுதான். தற்போது ஊரகப் பகுதியிலுள்ள ஏழைகள் பயன்பெறும் விதத்தில் புதிய திட்டத்தை அறிமுகப்படுத்துவதன் மூலம் ஒரு கோடி பேருக்கு புதிய பணி வாய்ப்புகளை ஏற்படுத்தும் முயற்சியில் இறங்கியுள்ளது.
நேஷனல் அர்பன் லைவ்லிஹூட்ஸ் மிஷன் (என்.யூ.எல்.எம்.,) என்ற பெயரில் அறிமுகப் படுத்தப்படும் இந்தப் புதிய திட்டம் ஊரகப் பகுதியில் நிலவும் ஏழ்மையை மாற்றும் விதத்தில் திறன் மேம்பாடு, விற்பனைத் தன்மையை அதிகரித்தல் மற்றும் வளர்த்தல், குறைந்த வட்டியில் கடன் வழங்குதல் போன்ற முயற்சிகளை செயல்படுத்த உள்ளது.
வரும் 12 ஆவது ஐந்தாண்டுத் திட்டத்தில் அறிமுகப்படுத்தப்பட உள்ள இந்த புதிய திட்டம் தற்போது நடைமுறையில் உள்ள ஸ்வர்ண ஜெயந்தி சஹாரி ரோஜ்கார் யோஜனா (எஸ்.ஐ. எஸ்.ஆர்.ஒய்.,) திட்டத்திற்கு மாற்றாக அறிமுகப்படுத்தப்படும் என்று தெரிகிறது.
இந்தியாவின் பல்வேறு ஊரகப் பகுதிகளில் நிலவும் மாறுபட்ட நிலைமைகள், பன்முக அணுகுமுறை, இலகுத் தன்மை ஆகிய சிறப்பு அம்சங்களுடன் அறிமுகம் செய்யப்பட உள்ள என்.யூ. எல்.எம்., திட்டத்தின் மூலம் இந்தியாவின் ஊரகப் பகுதிகளில் போதிய வேலை வாய்ப்புகள் உருவாகுவதுடன் ஏழ்மையும் விலகும் என்ற நம்பிக்கையை இந்திய அரசு வெளிப்படுத்தியுள்ளது.
ஊரகப் பகுதிகளில் ஏற்பட்டு வரும் பொருளாதார வளர்ச்சியின் அடிப்படையில் சுயவேலை வாய்ப்பு மற்றும் வேலை வாய்ப்பு ஆகியவை ஏற்பட்டு முன்னேற்றம் ஏற்படும் என்று நம்பப்படுகிறது.
இதுவரை நடப்பில் உள்ள அனைத்து ஊரக மேம்பாட்டுத் திட்டங்களும் என்.யூ.எல்.எம்., திட்டத்தின் கீழ் ஒருங்கிணைக்கப்படுவதால் எண்ணிய இலக்குகளும் எளிதாக எட்டப்படும் என்ற நம்பிக்கை நிலவுகிறது.

நன்றி தினமலர்