வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

யாசகம் - - பாவலர் கருமலைத்தமிழாழன்

தமிழ்த்தோட்டம் :: கவிதைச் சோலை :: ரசித்த கவிதைகள்

Page 1 of 1

யாசகம் - - பாவலர் கருமலைத்தமிழாழன்

by அ.இராமநாதன் Mon Mar 06, 2017 12:18 am

[ltr]இரப்பதொன்றும் இழிவில்லை பக்தி யோடே
இரந்திடுவோம் இறைவனிடம் அருளுக்காக
வரமாக நல்லமனம் வேண்டிநின்று
வாய்மையொடு பேசிடவே யாசிப்போம்நாம்
அரம்போன்ற கூர்மையான அறிவினோடும்
அன்புசெயும் மனிதநேயம் யாசிப்போம் நாம்
சிரம்வெட்டும் பகையின்றிக் கைகள் கோர்த்துச்
சிரித்துவாழும் ஒற்றுமையைப் பெறுவோம் வேண்டி !

கரம்நீட்டிக் கேட்பதுவோ இழிவு ! கேட்டும்
கரம்பார்த்தே இல்லையெனல் அதனினும் இழிவு
கரவுநெஞ்சில் இந்திரன்தான் கேட்ட போதும்
கர்ணன்தான் கவசத்தைத் தந்த போல
இரக்கமுடன் மயிலுக்கும் கொடிமுல்லைக்கும்
ஈந்தபேகன் பாரியைப்போல் கேட்கு முன்பே
தரவேண்டும் இடுப்புதுணி நழுவும் போது
தானாக உதவுகின்ற கைகள் போன்றே !

தாலிகட்டக் கேட்கின்ற வரதட் சணையும்
தன்கடமை செயக்கேட்கும் இலஞ்சப் பணமும்
வேலிகளே பயிர்களினை மேய்தல் போல
வெளிப்படையாய்க் கேட்கின்ற யாசகந்தான் !
காலிரண்டில் நாம்நின்றே கையிரண்டைக்
கடுமையாக உழைப்பதற்கே நீட்டலன்றி
வாலினையே ஆட்டிநாய்தான் குழைதல் போன்றே
வாங்குதற்கு நீட்டாமல் கொடுத்துயர்வோம்
----
நன்றி- கவிதைமணி[/ltr]

அ.இராமநாதன்: நவரச நாயகன்; Posts : 31809
Points : 70033
Join date : 26/01/2011
Age : 80