நாளுக்கு நாள் அதிகரிக்கும் எடையால் 8 மாத கைக்குழந்தை அவதி

by **அ.இராமநாதன்** Thu Apr 20, 2017 7:05 am

[You must be registered and logged in to see this image.]

அமிர்தசரஸ்: பஞ்சாபில் இளம் தம்பதியினருக்கு பிறந்த 8 மாத பெண் குழந்தை நாளுக்கு நாள் எடை அதிகரித்து அவதியுறுகிறது. காரணம் தெரியாமல் டாக்டர்கள் திணறி வருகின்றனர்.

பஞ்சாப் மாநிலம் அமிர்தசரஸ் நகரைச் சேர்ந்த சூரஜ்குமார், ரீனா தம்பதியினருக்கு கடந்த 8 மாதங்களுக்கு முன் மருத்துவமனையில் பெண் குழந்தை பிறந்தது. பிறந்ததும் மற்ற குழந்தைகள் போன்றே இயல்பான எடையுடன் இருந்தது. பின்னர் நான்கு மாதங்களுக்கு பின்னர் திடீரென குழந்தையின் எடை அதிகரிக்க துவங்கியது.

தற்போது அதன் எடை 17 கிலோவுக்கு மேல் அதிகரித்து 10 வயது குழந்தைக்குரிய எடையை கொண்டுள்ளது. இதனால் அதிர்ச்சியடைந்த தம்பதியினர், குழந்தைகள் நல சிறப்பு மருத்துவரிடம் பரிசோதனைக்காக கொண்டு சென்றனர்.

குழந்தையின் ரத்தம், சிறுநீர் பரிசோதனை செய்தனர். எனினும் எடை அதிகரிப்பிற்கான காரணம் தெரியாமல் திணறி வருகின்றனர். டாக்டர் ஒருவர் கூறுகையில், சராசரியாக 8 மாத கைக்குழந்தை 6 முதல் 9 கிலோ வரை இருக்கும் ஆனால் இந்த குழந்தை தற்போது 17 கிலோவுக்கு அதிகமாக உள்ளது.

மூச்சுவிடுவதிலும், உறங்குவதிலும் குழந்தைக்கு பிரச்னை இருந்தால் இப்படி எடை அதிகரிக்க வாய்ப்பு உள்ளது என்றார். இப்படியே போனால் குழந்தை எதிர்காலம் என்னவாகும் மற்ற குழந்தைகளுடன் நமது குழந்தை விளையாட முடியாமல் போய்விடுமோ என்ற கவலையில் பெற்றோர் உள்ளனர்.

நன்றி தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

நாளுக்கு நாள் அதிகரிக்கும் எடையால் 8 மாத கைக்குழந்தை அவதி

நாளுக்கு நாள் அதிகரிக்கும் எடையால் 8 மாத கைக்குழந்தை அவதி