காற்றே காற்றே

by **kowsy2010** Fri Dec 31, 2010 6:00 pm

காற்றே காற்றே

தென்றலாய் வந்தாய் சிந்தை கனிந்தேன்
காற்றாய் நுழைந்து இசையாய் வெளிவந்தாய்
புல்லாங்குழலின் பெருமையில் பூரித்து நின்றேன்
பூந்தோட்டத்தில் வாசனைப் பூக்கள் - உனக்குப்
புகழாரம் சூட்டுகின்றன, எம்மை
நாடிவரச் செய்த நன்றிக் கடனுக்காய்
உன்னோடு உறவாடும் உதிரிப்பூக்களும்
உல்லாசம் கண்டு உவகை கொள்ளும்
விருட்சங்களுடன் நீ சீண்டிவிளையாடும் களிப்பில்
சங்கீத சாகசங்கள் காதில் கேட்கும்
நெருக்கமாய் நிறைந்திருந்து நகர்த்துகின்றாய் வாகனத்தை
சுருக்கென்று ஓராணி கிழித்துவிட்டால் சுதந்திரமாகின்றாய்
ஓட்சிசன் பாய்ச்சும் உடல் போல்
ஓட்டுப் போட்டுக் கட்டிப் போடுவர் மீண்டும் உன்னை
புந்தினுள் நீ பதுங்கி நிற்பதனால் - அப்பந்தும்
உதைபட்டே வாழ்நாளைக் கழிக்கும்
உன்னை அசுத்தப்படுத்தும் மானிடரைச்
சங்கரிக்க தீங்காற்றாய் உள்நுழைந்து
சங்காரம் செய்கின்றாய்
உன்காரம் அறியாத பேதையல்ல நான்
சிங்காரப் பட்டினம் மட்டுநகரை சூறாவளியாய்
சின்னாபின்னமாக்கிய சிறுக்கி உன்னை நான்
என்றும் மறக்கவில்லை எச்சரிக்கையாய்; உள்ளேன் - ஆனாலும்
இன்றும் உன்னை நான் சுவாசிக்கின்றேன் - அதனால்
இன்றும் உன்னை நான் நேசிக்கின்றேன்

by **கவிக்காதலன்** Fri Dec 31, 2010 9:22 pm

[You must be registered and logged in to see this image.]

by **அரசன்** Fri Dec 31, 2010 10:37 pm

கலக்கல் ..தொடரட்டும்

by **கவி கவிதா** Sun Jan 02, 2011 5:09 pm

காற்றிலே ... காற்றில் நான் அனுபவித்த நிகழ்வுகள் பலப் பல. சில்லென சட்டென வீசும் காற்றிலே எந்த வலிக்கும் மருந்து கிடைத்து விடும் அப்போது. சோழப் பயிர் காற்றில் ஆடும் போது அதன் அழகில் எனை மறப்பது இன்னும் தொடர்கிறது. நினைவில் ஓடி வரச் செய்த உங்கள் கவிதைக்கு என் நன்றி. கவிதை அற்புதம்