ஜோதிடர் அறிவுரையால் முதல்வர் கனவு:

by **அ.இராமநாதன்** Thu Sep 28, 2017 9:22 am

ஜோதிடர் அறிவுரை:
\தீபாவின் ஜாதகத்தைப் பார்த்து விட்டு, நீங்கள் தான் தமிழகத்தின்
அடுத்த முதல்வர்; அதற்கு முன்னதாக, நீங்கள் ஜெயலலிதா சமாதி
முன்பாக, உங்கள் கணவர் மாதவனுக்கு மாலை மாற்றி, மீண்டும்
திருமணம் செய்து கொள்ள வேண்டும்.

அங்கேயே சுற்றிக் கொண்டிருக்கும் ஜெயலலிதாவின் ஆவி உங்கள்
இருவரையும் ஆசிர்வதிக்க, தீபா, தமிழகத்தின் அடுத்த முதல்வர்
ஆவார் என்று சொல்லியிருக்கிறார்.

எப்படியாவது தமிழகத்தின் முதல்வர் ஆகி விட வேண்டும் என்ற
பரிதவிப்பில் இருக்கும் தீபாவும், மாதவனும், ஜோதிடர் அறிவுரைப்படி
நடக்க தீர்மானித்தனர்.

அதன்படி, ஒரு மாதத்துக்கு முன், இருவரும், தங்கள் ஆதரவாளர்கள்
சிலருடன், இரவு நேரத்தில் திடுமென, ஜெயலலிதா சமாதிக்கு சென்று,
வணங்கி விட்டு, மீண்டும் மாலை மாற்றி திருமண சடங்குகளை
செய்ததாக கூறப்படுகிறது.

அதன்பின், தீபா-மாதவன் இருவரும் பெரிய அளவில் சண்டைகள்
இல்லாமல் ஒரே வீட்டில் வாழ்வதாகவும் கூறப்படுகிறது.
காரணம் - ஜோதிடர் அறிவுரை நிறைவேறி, தீபா தமிழக முதல்வர்
ஆக வேண்டும் என்பதுதான்.

மாதவன் பேட்டி:
இது குறித்து மாதவனிடம் கேட்டபோது,
‛‛முதல்வராகும் அனைத்து தகுதிகளும் தீபாவுக்கு இருக்கின்றன.
நானும் அவரும் 2வது திருமணம் செய்து கொண்டோமா இல்லையா
என்பது எங்கள் சொந்த விஷயம்.
இதை உங்களுக்கு சொல்ல வேண்டிய அவசியம் இல்லை'' என்றார்.

ஆனால், திருமணம் செய்து கொண்டதை அவர் மறுக்கவும் இல்லை,
ஒப்புக்கொள்ளவும் இல்லை.
-
---------------------------
தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஜோதிடர் அறிவுரையால் முதல்வர் கனவு:

ஜோதிடர் அறிவுரையால் முதல்வர் கனவு: