சோழன் விரைவு ரயிலில் இருக்கை வசதிக்கு கோரிக்கை: பரிசீலிக்கப்படும் என ரயில்வே தகவல்

by **அ.இராமநாதன்** Tue Oct 03, 2017 9:26 pm

சென்னை எழும்பூர்-திருச்சி இடையே பகல் நேரத்தில் இயக்கப்படும்
சோழன் விரைவு ரயிலில் தூங்கும் வசதிகள் கொண்ட இருக்கைகளை,
அமர்வதற்கான இருக்கை வசதியாக மாற்றுமாறு பயணிகள் விடுத்தக்
கோரிக்கையை பரிசீலிப்பதாக ரயில்வே நிர்வாகம் தெரிவித்துள்ளது.

ரயில்வே வாரியம் அண்மையில் அறிவிப்பு ஒன்றை வெளியிட்டது.
அதில், நீண்ட தூரம் செல்லும் ரயில்களில் இரவு 10 மணி முதல்
காலை 6 மணி வரை மட்டுமே தூங்குவதற்கு படுக்கை வசதியை
பயணிகள் பயன்படுத்த வேண்டும்.

இதன் மூலம், அந்த ரயில்களில் பகல் நேரத்தில் பயணம் செய்யும்
பயணிகளுக்கு இடையூறு ஏற்படுத்தக் கூடாது என அதில்
குறிப்பிடப்பட்டிருந்தது.

இந்நிலையில், சென்னை எழும்பூர்-திருச்சி இடையே பகல் நேரத்தில்
சோழன் விரைவு ரயில் (16853) இயக்கப்படுகிறது. இந்த ரயில்
எழும்பூரில் இருந்து காலை 8.30 மணிக்குப் புறப்பட்டு மாலை
4.15 மணிக்கு திருச்சி சென்றடைகிறது.

இந்த ரயிலில் முன்பதிவு செய்யக் கூடிய இருக்கை வசதிகள் கொண்ட
பெட்டிகள் 2 மட்டுமே உள்ளன. மற்ற அனைத்துப் பெட்டிகளும் தூங்கும்
வசதி கொண்ட பெட்டிகளாக உள்ளன.

பகல் நேரத்தில் படுக்கை வசதியை பயன்படுத்தக் கூடாது என
ரயில்வே நிர்வாகம் அறிவித்துள்ள நிலையில், சோழன் விரைவு
ரயிலில் தூங்கும் வசதி கொண்ட இருக்கையை அமரும் வசதி
கொண்ட இருக்கைகளாக மாற்ற வேண்டும்.

இதன்மூலம், பயணிகளுக்கு பயணக் கட்டணம் குறையும் என்றும்,
ஒரு படுக்கை வசதி கொண்ட இருக்கையை 3 பேர் அமரும் விதத்தில்
மாற்றி அமைத்தால் ரயில்வே நிர்வாகத்துக்கும் வருவாய் அதிகரிக்கும்
என குறிப்பிடப்பட்டு ரயில் பயணிகள் சங்கம் சார்பில் ரயில்வே
நிர்வாகத்துக்கு கடிதம் அனுப்பப்பட்டது.

இந்தக் கடிதத்தை பரிசீலனை செய்து உரிய நடவடிக்கை எடுப்பதாக
அந்தக் கடிதத்துக்கு ரயில்வே நிர்வாகம் அனுப்பியுள்ள பதிலில்
குறிப்பிடப்பட் டுள்ளது.
-
----------------------------தி இந்து

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சோழன் விரைவு ரயிலில் இருக்கை வசதிக்கு கோரிக்கை: பரிசீலிக்கப்படும் என ரயில்வே தகவல்

சோழன் விரைவு ரயிலில் இருக்கை வசதிக்கு கோரிக்கை: பரிசீலிக்கப்படும் என ரயில்வே தகவல்