தாம்பரம் முனையம் மீண்டும் தாமதம்: சென்னை ரயில்வே கோட்ட மேலாளர் தகவல்

by **அ.இராமநாதன்** Fri Apr 07, 2017 7:12 am

சென்னை: ரயில்வே ஆரம்பிக்கப்பட்டதை நினைவுக்கூரும்
வகையில் ஒவ்வொரு ஆண்டும் நாடு முழுவதும் மண்டலம்,
கோட்ட வாரியமாக ஏப்.10ம் தேதி முதல் ஏப்.16ம் தேதி வரை
ரயில்வே வார விழா கொண்டாடப்படுகிறது.

இந்த ரயில்வே வார விழாவை முன்னிட்டு 2016-17 நிதியாண்டில்
சென்னைக் கோட்டத்தில் நடந்த பணிகள், வருவாய் குறித்து
சென்னையில் நேற்று செய்தியாளர்களிடம் ரயில்வேக் கோட்ட
மேலாளர் அனுபம் சர்மா கூறியதாவது:

பேசின்பாலம் - சென்னை புறநகர் ரயில்நிலையம் இடையே 5,6வது
புதிய பாதைகள் அமைக்கப்பட்டப் பிறகு புறநகர் ரயில்கள்
தாமதமாவது குறைந்துள்ளது.

மேலும் சென்னை- அரக்கோணம் இடையே சுமார் 69 கிமீ நீளத்திற்கு
4 வழிப்பாதைகள் பயன்பாட்டுக்கு வந்துள்ளன. அதேபோல்
திருவொற்றியூர் - எண்ணூர் இடையே 7 கிமீ நீளத்திற்கு 4வது
பாதை பயன்பாட்டுக்கு வந்துள்ளது.

சென்னை - கூடூர் இடையே அனைத்து ஆளில்லா ரயில்வே
கடவுகளும் அகற்றப்பட்டு விட்டன. சென்னைக் கோட்டத்தில்
2016-17ம் ஆண்டில் எக்ஸ்பிரஸ் ரயில்கள் 87.2 சதவீதத்தில் இருந்து
89.7 சதவீதமும், புறநகர் ரயில்கள் கடந்த 3 மாதங்களில் 80லிருந்து
90.6 சதவீதமும் சரியான நேரத்திற்கு இயக்கப்பட்டுள்ளன.

சென்னைக் கோட்டத்தில் பயணிகள் எண்ணிக்கை 2015-16ம் ஆண்டை
விட 2016-17ம் ஆண்டில் 0.72 சதவீதம் அதிகரித்துள்ளது. அதற்கு
ஏற்ப வருவாயும் 1791.78 கோடி ரூபாயில் இருந்து 1862 கோடியாக
உயர்ந்துள்ளது.

மேலும் சென்னைக் கோட்ட வருவாய் 2015-16ம் ஆண்டில் 3458.25 கோடி
ரூபாயில் இருந்து 4.6 சதவீதம் சரிந்து 2016-17ம் ஆண்டில் 3307.30
கோடியாக இருந்தது.

சென்னை சென்ட்ரல், எழும்பூரில் தொடங்கப்பட்ட பெண்
பயணிகளுக்கான உதவி மையங்களை இதுவரை 1000க்கும் அதிகமான
பெண் பயணிகள் பயன்படுத்தியுள்ளனர். வாலாஜாபாத்தில் அமைக்கப்பட்ட
கார்கள் ஏற்றுமதி மையத்தின் பயன்பாடு 22 சதவீதம் அதிகரித்துள்ளது.

வருவாயும் 29.25 கோடி ரூபாயில் இருந்து 47 சதவீதம் அதிகரித்து
43.07 கோடியாக உயர்ந்துள்ளது. மேல்பாக்கத்தில் 2007 முதல் செயல்பட்டு
வரும் கார் ஏற்றுமதி மையத்திற்கான சாலை போக்குவரத்து வசதி
மேம்படுத்துவது தொடர்பாக மாநில அரசுடன் உதவியுடன் செய்யப்
பட்டுள்ளது.

தாம்பரத்தில் அமைய உள்ள புதிய முனையத்திற்கான கட்டுமான பணிகள்
இன்னும் முடியவில்லை. அதனால் திட்டமிட்டபடி தாம்பரம் முனையம்
செயல்பட தொடங்குவது மீண்டும் தாமதமாகும். இவ்வாறு அனுபம் சர்மா
தெரிவித்தார்.

வேளச்சேரி-பரங்கிமலை பறக்கும் ரயில் தாமதம் ஏன்?

வேளச்சேரி - பரங்கிமலை இடையே பறக்கும் ரயில்பாதை அமைக்கும்
பணிகள் தாமதமாக காரணம், நிலம் கையப்படுத்த வேண்டி இருப்பதுதான்.
அந்த நிலங்களை நில உரிமையாளர்களிடம் இருந்து மாநில அரசு பெற்று
தந்தால் பணிகள் விரைவில் முடிக்கப்படும் என்றும் அனுபம் சர்மா
தெரிவித்தார்.
-
-----------------------------------------

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தாம்பரம் முனையம் மீண்டும் தாமதம்: சென்னை ரயில்வே கோட்ட மேலாளர் தகவல்

தாம்பரம் முனையம் மீண்டும் தாமதம்: சென்னை ரயில்வே கோட்ட மேலாளர் தகவல்