வேட்புமனு தாக்கலில் வீரப்பன் உறவினர் ஏற்படுத்திய பரபரப்பு

by **அ.இராமநாதன்** Wed Nov 29, 2017 7:12 pm

சென்னை,

ஆர்.கே.நகர் இடைத்தேர்தலில் போட்டியிட ‘டெபாசிட்’
கட்டணமாக பொதுப்பிரிவினருக்கு ரூ.10 ஆயிரமும்,
தாழ்த்தப்பட்ட மற்றும் பழங்குடியின பிரிவினருக்கு
ரூ.5 ஆயிரமும் நிர்ணயிக்கப்பட்டுள்ளது.

இந்தநிலையில் வீரப்பன் உறவினரான அக்னி ஸ்ரீராமச்சந்திரன்
தேர்தல் நடத்தும் அதிகாரி கே.வேலுச்சாமியிடம், வேட்புமனுவுடன்
தனது வங்கி ‘கிரெடிட்’ கார்ட்டையும் வழங்கினார். அதில் இருந்து
‘டெபாசிட்’ தொகைக்கான கட்டணத்தை எடுத்துக் கொள்ளுங்கள்
என்று தெரிவித்தார்.

அந்த வசதி இல்லாததால் அவருடைய கோரிக்கையை தேர்தல்
நடத்தும் அதிகாரி கே.வேலுச்சாமி நிராகரித்தார். இதனால் அங்கு
சிறிது நேரம் பரபரப்பு ஏற்பட்டது. பின்னர் அக்னி ராமச்சந்திரன்
‘டெபாசிட்’ தொகையான ரூ.10 ஆயிரத்தை பணமாக செலுத்தினார்.

இதுகுறித்து அவர் கூறும்போது, ‘நாட்டில் எல்லாமே ‘டிஜிட்டல்’
மணியாகி வருகிறது. எனவே வேட்புமனுவையும் டிஜிட்டல் மயமாக்க
வேண்டும். கடந்த முறையும் நான் இதே கோரிக்கையை முன்
வைத்திருந்தேன். ஆனால் நடவடிக்கை எடுக்கப்படவில்லை’ என்றார்.

வேட்புமனுத்தாக்கல் செய்த பின்னர் அக்னி ஸ்ரீராமசந்திரன் மண்டல
அலுவலகம் முன்பு பட்டாசு வெடித்து தனது பிரசாரத்தை தொடங்கினார்.
வீரப்பன், மறைந்த விடுதலைப்புலிகள் இயக்க தலைவர் பிரபாகரன்
ஆகியோரது உருவப்படங்களுடன் வாக்கு சேகரிப்பில் ஈடுபட்டார்.

அக்னி ஸ்ரீராமச்சந்திரன் செயல்பாடுகள் தேர்தல் நடத்தை விதிகளை
மீறியதாக கூறப்படுகிறது. எனவே அவர் மீது போலீசார் நடவடிக்கை
எடுப்பார்கள் என்று தெரிகிறது.
-
----------------------------------------------
தினத்தந்தி

\

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

வேட்புமனு தாக்கலில் வீரப்பன் உறவினர் ஏற்படுத்திய பரபரப்பு

வேட்புமனு தாக்கலில் வீரப்பன் உறவினர் ஏற்படுத்திய பரபரப்பு