உறவுகள்- ஒரு உண்மை!!

by **வ.வனிதா** Tue Jan 04, 2011 6:48 pm

[You must be registered and logged in to see this image.]

அசையும் அம்பரத்தில்
உறவுகள் எனும் பம்பரத்தைச்
சுழற்றி விளையாடும்
மானுடப் பிரவாகங்களே!

இருக்கும் நிலையை
இழந்து தவிக்கும்
உறவு முடிச்சுகள்
முடித்த உலகம் இது!

முடிந்து போன அத்யாயதிற்கு
முன்னுரை எழுதி பிள்ளையார்சுழி
போட முன்வரும் உறவுகள் ,
கண்ணெதிரே வரும் கண்ணீருக்கு
முற்றுப்புள்ளி வைக்கப் பின்தங்கிப்
போகும் அவலம்!

என்றோ ஒரு நாள்
யாரோ இட்டச் சாபம்
இன்று பணக்கட்டுகளில்
புதைத்து வைத்துள்ளது ,
மனித ஆன்மாக்களை....

தட்டிக்கேட்கும் தருணத்தில்
எல்லாம் ,
கழற்றும் சட்டையென
கழன்ற மனிதநேயம்
சாயம் போய்க்கொண்டிருக்கின்றது !

அற்ற குளத்தின் அறுநீர்ப் பறவைகளாய்
சுற்றித் திரியும் உறவுகள்
சூழ்ந்த இப்புவியில் ,

குளம் வற்ற நானும் வாடுகிறேன்
என்று குமுறும் ஆம்பல்கள்
இன்றும் தென்படவில்லை
எம் கண்களில்.....

மனமே உணர்ந்திடு !
உறவுகள் அனைத்தும்
தொடர்கதைகளல்ல!
சிட்டாய்ப் பறக்கும்
சின்னஞ்சிறு கதைகளே !

by **கவிக்காதலன்** Tue Jan 04, 2011 10:11 pm

சூப்பர்... கலக்குறீங்க....

by **அரசன்** Wed Jan 05, 2011 12:48 am

அசத்துங்க தோழி

by **வ.வனிதா** Wed Jan 05, 2011 1:14 pm

நன்றி அரசன் ! மிக்க நன்றி !

//மனமே உணர்ந்திடு !
உறவுகள் அனைத்தும்
தொடர்கதைகளல்ல!
சிட்டாய்ப் பறக்கும்
சின்னஞ்சிறு கதைகளே !//

[You must be registered and logged in to see this image.]