உறவுகள் !

by srivai.khader Sun Nov 20, 2011 2:18 pm

உறவுகள் !

தாயின் தொப்புள்கொடியில் உறவாடி - மனிதர்கள்

மண்ணில் சாயும் வரை - உலகில்

தொடர்வது இந்த " உறவுகள் "

ஒரு தலமையின் கீழ் உலகில் எல்லா - குடும்பங்களும் நல்ல உறவுகளுடன் தொடர்கிறது!

தலமை மறைந்த மண் காய்வதற்குள் இங்கே

மாற்று கருத்துக்கள் தோன்றி - இல்லாத

காரணத்தை இட்டுகட்டி கலைக்கப்படும்

உறவுகள் இங்கே !

இன்னும் சொத்துக்களில் உறவுகள் சமநிலைப்பாடு மாறி - தனக்கு தான்

சாதகமாக என்ற நிலையாகிறது !

ஒரு தாய் வயிற்று பிள்ளைகள் ஆனாலும்

இவர்கள் எண்ணங்கள் வேறு !

தனக்கு என்று வரும் போது - இங்கே

விட்டு கொடுப்பதை விட உறவுகளில் விடா பிடித்தான் அதிகம் இருக்கும் !

அண்ணனுக்கு உதவ மனமிருந்தால் அண்ணி

ஒரு தடையாக -

அத்தை உதவ நினைத்தால் - அங்கே

மாமனின் எதிர்ப்பு இப்படி உறவுகள் சிதறும் !

தாழ்ந்துவிட்டவனை ஏற்று கொள்ளாத உறவு

தனக்கு சமமான காசு உள்ளவனை மட்டுமே

உறவுகள் இணைத்து கொள்ளும் !

இன்று தெருக்கோடியில் புன்முறுவலுடன்

விடை பெரும் இந்த உறவுகள் ..............

மனிதன் மறைந்தபின் அவன் உடலுக்கு

மலர்வளையம் வைத்து - இன்னும்

அவனை சார்ந்தவர்களுக்கும் அங்கேயே

ஆறுதல் கூறி விடை பெற்று விடும் "உறவுகள் "

- ஸ்ரீவை. காதர் -