[You must be registered and logged in to see this image.]

ஊட்டி: 
ஊட்டியில் நேற்று துவங்கிய ரோஜா கண்காட்சியில், 
25 ஆயிரம் ரோஜா மலர்களால் வடிவமைக்கப்பட்ட, 
'இந்தியா கேட்' சுற்றுலா பயணியரை கவர்ந்தது.

நீலகிரி மாவட்டம், ஊட்டி ரோஜா பூங்காவில் கோடை சீசனை 
முன்னிட்டு, 4000 ரகங்களில், 30 ஆயிரம் ரோஜாசெடிகள் 
வளர்க்கப்பட்டுள்ளன. நேற்று காலை, ரோஜா கண்காட்சியை,
 கலெக்டர் இன்சென்ட் திவ்யா துவக்கி வைத்தார். 

கண்காட்சியில், ஊட்டி தோட்டக்கலைத்துறை சார்பில், 
12 அடி நீளம், 16 அடி உயரத்தில், 25 ஆயிரம் ரோஜா மலர்களால் 
வடிவமைக்கப்பட்ட,'இந்தியா கேட்' அலங்காரம்,சுற்றுலா 
பயணியரை வெகுவாக கவர்ந்தது. 

ஜல்லிக்கட்டு காளைஅதன் முன்புறம்,குழந்தைகளை கவரும் 
வகையில், 5,000 மலர்களால், சோட்டா பீம் உருவம்
 வடிவமைக்கப்பட்டது.

ரோஜா இதழ்களால்உருவான, 'ட்வீட்டி' கார்ட்டூன் ரங்கோலியும்,
பார்வையாளர்களை கவர்ந்தது.

மதுரை மாவட்ட தோட்டக்கலையினர் சார்பில், 6,000 ரோஜா 
மலர்களால், ஜல்லி கட்டு காளை; ஈரோடு தோட்டக்கலை 
துறையினரால், 6000 ரோஜா மலர்களில் மயில் உருவம்; 

கிருஷ்ணகிரி தோட்டக்கலை துறையினரின் 5,000 மலர்களை 
பயன்படுத்தி படகு உருவம்; 200 ரோஜா மலர்களால் கல்யாண 
மாலை மற்றும் ரோஜா இதழ்களாலான திருநெல்வேலி ரோஜா 
அல்வா ஆகியவை கண்காட்சியில் இடம் பெற்றிருந்தன.

பரிசுகள் : 

தனியார் நிறுவனங்கள் சார்பில் பூந்தொட்டிகளில் வளர்க்கப்பட்ட 
ரோஜா மலர்செடிகள், ரகங்கள் சேகரிப்பு, கொய்மலர் வகைகள்,
 வணிக ரீதியாக பயிர் செய்யப்படும் ரகங்கள், மலர்செண்டுகள், 
மாலைகள், ரோஜா இதழ்களிலிருந்து தயார் செய்யப்படும் 
பொருட்கள் போன்ற பல்வேறு பிரிவுகளுக்கு, தனித்தனியாக 
போட்டிகள் நடத்தப்பட்டன.

இன்று மாலை நடக்கும் நிறைவு விழாவில்,போட்டியாளர்களுக்கு 
பரிசுகள் வழங்கப்படுகின்றன.

ரூ. 50 லட்சம் வருவாய் : 

கடந்த, 21ம் தேதி முதல் தொடர் விடுமுறையையொட்டி, ஊட்டிக்கு, 
சுற்றுலா பயணியர் வருகை கணிசமாக அதிகரித்துள்ளது. 
ஏப்., 21 முதல்,மே 12 வரை ரோஜா பூங்காவுக்கு, இரண்டு லட்சம் 
சுற்றுலா பயணியர் வருகை தந்துள்ளனர்.சுற்றுலா பயணியரின் 
வருகையால், டிக்கெட் வருமானம், 50 லட்சம் ரூபாயை எட்டியது. 

சுற்றுலா பயணியருக்கு விற்பனை செய்ய, தயார் செய்து 
வைக்கப்பட்ட, 1.5 லட்சம் ரோஜா நாற்றுகளை, 20 முதல் 
30 ரூபாய் வரை கொடுத்து ஆர்வத்துடன் வாங்கி செல்கின்றனர்.

குதிரை பந்தயம் : ஊட்டியில் நேற்று துவங்கிய குதிரை பந்தயத்தை 
சுற்றுலா பயணியர் ஆர்வமுடன் ரசித்தனர். 'மெட்ராஸ் ரேஸ்
 கிளப்' சார்பில், நடப்பாண்டின் குதிரை பந்தயம் நேற்று துவங்கியது. 

முதல் நாளில், எட்டு குதிரை பந்தயங்கள் நடந்தன. ஜூன் 14 வரை 
நடக்கும் பந்தயங்களில், நீலகிரி கோல்டு கப், 1000 கின்னீஸ், 
2000 கின்னீஸ், டர்பி உட்பட, 10 பந்தயங்கள் மட்டும் இந்த சீசனில் 
நடக்கிறது. 

நேற்று நடந்த பந்தயங்களை சுற்றுலா பயணியர் ஆர்வமுடன் 
கண்டு ரசித்தனர். அடுத்த பந்தயம், மே, 17ல் நடக்க உள்ளது.
-
---------------------------------------
தினமலர