கர்நாடகத்தில் தொங்கு சட்டப்பேரவை: வாக்குக் கணிப்புகளில் தகவல்

by **அ.இராமநாதன்** Sun May 13, 2018 8:30 am

கர்நாடகத்தில் தொங்கு சட்டப் பேரவை அமையும் என்று
தேர்தலுக்கு பின்பு நடத்தப்பட்ட பரவலான வாக்கு
கணிப்புகளில் தெரிவிக்கப்பட்டுள்ளன.

ஆட்சியை தீர்மானிக்கும் சக்தியாக முன்னாள் பிரதமர்
தேவெ கௌடாவின் மதச்சார்பற்ற ஜனதா தளம் (ஜேடி (எஸ்))
கட்சி உருவெடுக்கும் என்றும் அதில் குறிப்பிடப்பட்டுள்ளன.

கர்நாடக சட்டப் பேரவையில் மொத்தம் உள்ள 224 தொகுதிகளில்,
222}க்கு சனிக்கிழமை தேர்தல் நடைபெற்றது. இத்தேர்தலில்
பதிவாகும் வாக்குகள், வரும் 15}ஆம் தேதி எண்ணப்படுகின்றன.

இந்தத் தேர்தலுக்கு பிறகு, பல்வேறு ஊடகங்களும், செய்தி
நிறுவனங்களும் வாக்குக் கணிப்புகளை நடத்தியுள்ளன.
அதில் பெரும்பாலானவற்றில், கர்நாடகத்தில் காங்கிரஸ்,
பாஜக ஆகிய இரு கட்சிகளுக்கும் ஆட்சியமைக்க தேவையான
தனிப்பெரும்பான்மை பலம் கிடைக்காது,

இதனால் மாநிலத்தில் தொங்கு சட்டப் பேரவையே அமையும்,
ஜேடி (எஸ்) கட்சியானது, ஆட்சியை தீர்மானிக்கும் சக்தியாக
உருவெடுக்கும் எனத் தெரிவிக்கப்பட்டுள்ளன.

அதேநேரத்தில், காங்கிரஸ், பாஜக ஆகியவற்றுக்கு எத்தனை
இடங்கள் கிடைக்கும் என்பது குறித்து மாறுபட்ட தகவல்களை
வெளியிட்டுள்ளன.

by **அ.இராமநாதன்** Sun May 13, 2018 8:31 am

இதுகுறித்த விவரம் வருமாறு:

ரிபப்ளிக் டிவி}ஜன் கீ பாத் மற்றும் ஏபிபி}சி வோட்டர் ஆகியவை
கர்நாடக சட்டப் பேரவையில் பாஜக தனிப்பெரும் கட்சியாக
உருவெடுக்கும் எனத் தெரிவித்துள்ளன.

அதாவது, ரிபப்ளிக் டிவி}ஜன் கீ பாத்தின் வாக்கு கணிப்பில்
பாஜகவுக்கு 95 முதல் 114 தொகுதிகளும், ஏபிபி}சி வோட்டர் வாக்கு
கணிப்பில் 97 முதல் 109 தொகுதிகள் கிடைக்கும் எனவும்
குறிப்பிடப்பட்டுள்ளது.

காங்கிரஸூக்கு 73 முதல் 82 தொகுதிகள் கிடைக்கும் என ரிபப்ளிக்
டிவி}ஜன் கீ பாத் வாக்கு கணிப்பு தெரிவிக்கிறது. 87 முதல்
99 தொகுதிகள் வரை கிடைக்கும் என ஏபிபி}சி வோட்டர் வாக்கு
கணிப்பு கூறுகிறது.

ரிபப்ளிக் டிவி}ஜன் கீ பாத் வாக்கு கணிப்பில், ஜேடி (எஸ்) கட்சிக்கு
32 முதல் 43 தொகுதிகளும், ஏபிபி}சி வோட்டர் வாக்கு கணிப்பில்
21 முதல 30 தொகுதிகளும் கிடைக்கும் எனத் தெரிவிக்கப்பட்டுள்ளது.

டைம்ஸ் நவ்}விஎம்ஆர் மற்றும் இந்தியா டுடே}ஆக்சிஸ் மை இந்தியா
ஆகியன நடத்திய வாக்கு கணிப்புகள், காங்கிரஸ் கட்சி தனிப்பெரும்
கட்சியாக உருவெடுக்கும் எனத் தெரிவிக்கின்றன.

அதாவது முறையே 90}103, 106}118 தொகுதிகள் கிடைக்கும் என
அவற்றின் வாக்குக் கணிப்புகள் குறிப்பிடுகின்றன. பாஜகவுக்கு
80}93, 79}82 தொகுதிகள் கிடைக்கும் எனவும் தெரிவிக்கின்றன.

இந்தியா டுடே வாக்கு கணிப்பில் காங்கிரஸூக்கும், ரிபப்ளிக்
டிவி வாக்கு கணிப்பில் பாஜகவுக்கும் தனி பெரும்பான்மை கிடைக்க
வாய்ப்பிருப்பதாக கூறுகின்றன.

டைம்ஸ் நவ் வாக்கு கணிப்பில் ஜேடி(எஸ்) கட்சிக்கு 31}39 இடங்களும்,
இந்தியா டுடே கணிப்பில் 22}30 இடங்களும் கிடைக்கும் எனவும்
தெரிவிக்கின்றன.

நியூஸ் எக்ஸ் வாக்கு கணிப்பில் பாஜகவுக்கு 102}110 இடங்களும்,
காங்கிரஸூக்கு 72}78 இடங்களும், ஜேடி(எஸ்) கட்சிக்கு 35}39
இடங்களும் கிடைக்கும் எனத் தெரிவிக்கின்றன.

காங்கிரஸூக்கு 39 சதவீத வாக்குகளும், பாஜகவுக்கு 35 சதவீத
வாக்குகளும் கிடைக்கும் என இந்தியா டுடே வாக்கு கணிப்பு கூறுகிறது.
அதேநேரத்தில், ரிபப்ளிக் டிவி வாக்கு கணிப்போ, காங்கிரஸூக்கு
36 சதவீத வாக்குகளும், பாஜகவுக்கு 38.25 சதவீத வாக்குகளும்
கிடைக்கும் எனத் தெரிவிக்கிறது.

கர்நாடகத்தில் தனி பெரும்பான்மையுடன் ஆட்சியமைக்க
113 எம்எல்ஏக்களின் ஆதரவு தேவையாகும். கடந்த சட்டப் பேரவைத்
தேர்தலில் காங்கிரஸ் கட்சி 122 தொகுதிகளில் வெற்றி பெற்றது.
பாஜக, ஜேடி(எஸ்) கட்சிகள் தலா 40 தொகுதிகளில் வெற்றி பெற்றன.
-
---------------------------
தினமணி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கர்நாடகத்தில் தொங்கு சட்டப்பேரவை: வாக்குக் கணிப்புகளில் தகவல்

கர்நாடகத்தில் தொங்கு சட்டப்பேரவை: வாக்குக் கணிப்புகளில் தகவல்

Re: கர்நாடகத்தில் தொங்கு சட்டப்பேரவை: வாக்குக் கணிப்புகளில் தகவல்