புதுடில்லி:
 கர்நாடகாவில் தனிப்பெருங்கட்சி என்ற முறையில்,
 பா.ஜ., வை ஆட்சி அமைக்க அழைக்கப்பட்டதை போல், 
தங்களையும் அழைக்க வேண்டும் என பீஹாரில் 
ராஷ்டிரிய ஜனதா தளம், கோவாவில் காங்கிரஸ் கட்சியினர் 
கவர்னரை சந்தித்து கோரிக்கை விடுக்க உள்ளன.

கர்நாடக குழப்பம்

கர்நாடகாவில் யாருக்கும் பெரும்பான்மை கிடைக்காத நிலையில், 
அதிக இடங்களை பிடித்த பா.ஜ.,வை ஆட்சியமைக்க கவர்னர் 
அழைத்தார். இதற்கு, அங்கு கூட்டணி அமைத்துள்ள காங்கிரஸ் 
மற்றும் மதசார்பற்ற ஜனதா தள கட்சிகள் கடும் எதிர்ப்பு 
தெரிவித்துள்ளன. தங்களது கூட்டணிக்கு தான் பெரும்பான்மை 
உள்ளதாக அக்கட்சிகள் தெரிவித்துள்ளன.

கோவா

கோவாவில், 17 இடங்களில் காங்கிரஸ் வெற்றி பெற்றிருந்த 
நிலையில், 13 இடங்களில் வெற்றி பெற்ற பாரதிய ஜனதா, கூட்டணி 
கட்சிகளுடன் இணைந்து ஆட்சியமைத்தது. முதல்வராக பாரீக்கர் 
உள்ளார்.

இந்நிலையில், கோவா மாநில காங்கிரஸ் பொறுப்பாளர் செல்லகுமார் 
பனாஜி விரைந்துள்ளார். அங்கு அவர், தங்களது கட்சி 
உறுப்பினர்களுடன் இணைந்து நாளை கவர்னரை சந்திக்க உள்ள 
அவர், தனிப்பெரும் கட்சியான காங்கிரசை ஆட்சியமைக்க 
அழைக்க வேண்டும் என அவர் வலியுறுத்த உள்ளார். 

தேவைப்பட்டால், எம்எல்ஏக்களை கவர்னர் முன் அணிவகுக்கவும் 
காங்கிரஸ் திட்டமிட்டுள்ளது. 

மேகாலயா

மேகாலயாவிலும் பா.ஜ., கூட்டணி ஆட்சியில் உள்ளது.
 2 இடங்களை பிடித்த பா.ஜ., 19 இடங்களை பிடித்த என்பிபி 
மற்றும் சில கட்சிகளுடன் இணைந்து ஆட்சியமைத்துள்ளது. 

காங்கிரஸ் கட்சிக்கு 21 எம்எல்ஏக்கள் உள்ளனர். அங்கு, 
காங்கிரஸ் தலைவர்கள் கவர்னரை சந்தித்து தங்களை 
ஆட்சியமைக்க அழைக்க வேண்டும் என கோரிக்கை விடுக்க 
உள்ளனர். 

பீஹார்

அதேபோல், பீஹாரில் ஐக்கிய ஜனதா தளம் மற்றும் பா.ஜ., கூட்டணி 
ஆட்சி நடந்து வருகிறது. முதல்வராக ஐக்கிய ஜனதா தளத்தின் 
நிதிஷ்குமார் உள்ளார்.80 எம்எல்ஏக்களை கொண்டுள்ள
 லாலு பிரசாத் தலைவராக உள்ள ராஷ்டிரிய ஜனதா தள கட்சியின் 
தேஜஸ்வி யாதவ், தற்போதைய ஆட்சியை கலைத்துவிட்டு, 
எங்களை ஆட்சியமைக்க அழைக்க வேண்டும். 
இதற்காக கவர்னரை சந்தித்து பேச உள்ளதாக கூறினார்.
-
-------------------------------
தினமலர்