சென்னை : 
தென்மேற்கு பருவமழை துவங்கியுள்ள நிலையில், தமிழகம், 
புதுச்சேரியில் பல இடங்களில், கன மழைக்கு வாய்ப்புள்ளதாக, 
சென்னை வானிலை ஆய்வு மையம் தெரிவித்துள்ளது.

இதுகுறித்து, அந்த மையம் வெளியிட்டுள்ள அறிக்கை:

 தென்மேற்கு பருவமழை, 25ல், அந்தமானில் துவங்கியது. 
இந்த மழை, படிப்படியாக கேரளா, கர்நாடகா மற்றும்
 தமிழக கடலோர பகுதிகளுக்கும் பரவியுள்ளது. 

அதனால், இரண்டு நாட்களுக்கு, தமிழகம், புதுச்சேரியில், 
பல இடங்களில் கனமழைக்கு அதிக வாய்ப்புள்ளது. நேற்று 
காலை, 8:30 மணியுடன் முடிவடைந்த, 24 மணி நேரத்தில், 
நீலகிரி மாவட்டம், தேவாலாவில், 10 செ.மீ., மழை 
கொட்டியுள்ளது. 

பெருந்துறை, ஊட்டி, தாளவாடி, 7; திருச்செங்கோடு, ஓசூர், 
ராசிபுரம், கேத்தி, 5; கோபி, திருக்காட்டுப்பள்ளி, மேட்டுப்
பாளையம், அறந்தாங்கி, தேன்கனிக்கோட்டை, தளி, ஈரோடு,
4 செ.மீ  ,.திருச்சி, சேலம், பரமத்திவேலுார், ஒகேனக்கல், சூலுார், 
வாழப்பாடி, பாப்பிரெட்டிபட்டி, குடவாசல், வால்பாறை, 
3 செ.மீ., மழை பெய்துள்ளது.இவ்வாறு அதில் தெரிவிக்கப்பட்டு 
உள்ளது.

தேக்கடி, குமுளியில் நேற்று மாலை கன மழை பெய்தது.
 குமுளி மலைப்பாதையில் மண்சரிவு ஏற்படும் அபாயம் உள்ளது
.மழையால், தேக்கடி சாலையில் உள்ள, பல கடைகள் 
அடைக்கப்பட்டன. மக்கள் வெளியில் செல்ல முடியாமல் 
வழக்கமான பணிகள் பாதிக்கப்பட்டன. 

ஒன்றரை மணி நேரத்திற்கும் மேலாக மழை நீடித்தது.
தமிழக - கேரள எல்லையை இணைக்கும் குமுளி மலைப்-
பாதையில், பல இடங்களில் மண் சரிவு ஏற்படும் அபாயம் 
உள்ளது. 

தென் மேற்கு பருவ மழை தீவிரமடைவதற்குள், இங்கு 
முன்னெச்சரிக்கை நடவடிக்கை எடுக்க வேண்டியது அவசியம் 
என, மக்கள் தெரிவித்தனர்.
-
---------------------------------
தினமலர்