வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

காஞ்சிப் பெரியவர் சொன்ன கதை -- குப்பண்ணா

தமிழ்த்தோட்டம் :: ஆன்மீக சோலை :: இந்து மதம்

Page 1 of 1

காஞ்சிப் பெரியவர் சொன்ன கதை -- குப்பண்ணா

by அ.இராமநாதன் Tue May 29, 2018 7:14 pm

'அப்பைய தீட்சிதருக்கு எல்லா சாஸ்திரங்களும் தெரியும்;
அவர் மாதிரி எல்லா சாஸ்திரங்களுக்கும் புத்தகம் எழுதினவர்
யாரும் இல்லை. அத்தகைய பெரியவருக்கு, தம்முடைய பக்தியைச்
சோதித்து பார்க்க வேண்டும் என்ற ஆசை உண்டாகியது.

'பைத்தியம் பிடித்தால் அந்த சமயத்தில் கெட்ட வார்த்தைகள்
மற்றும் காம வார்த்தைகளை பிதற்றாமல், ஈசுவர பக்தி
பண்ணினால், அப்போது, தம்முடைய பக்தி மெய்யானது தான்
என்று தெரிந்து கொள்ளலாம் என்று நினைத்தார்.

'ஊமத்தங்காய், ஊமத்தம் பூ இவற்றைச் சாப்பிட்டால்,
பைத்தியம் பிடித்து விடும் என்று அவருக்குத் தெரியும்;
அதனால், அதைச் சாப்பிட்டார்; அவருக்குப் பைத்தியம்
பிடித்து விட்டது.

'உடனே உளற ஆரம்பித்தார். அவர் சொன்னவற்றை எல்லாம்
சிஷ்யர்கள் எழுதிக் கொண்டனர். ஊமத்தம் பூவின் குணத்தை
மாற்றக் கூடிய மருந்தைக் கொடுத்தனர்; பைத்தியம் தெளிந்து
விட்டது.

'அவருக்குப் பைத்தியம் பிடித்திருந்த காலத்தில் என்ன
பிதற்றினார் என்று பார்த்தால், ஈசுவரன் மேல், 50 சுலோகங்கள்
பாடியிருந்தார்.

அந்தக் கிரந்தத்துக்கு, 'ஆத்மார்ப்பண ஸ்துதி' அல்லது
'உன்மத்த பஞ்சாசத்' என்று பெயர்; உன்மத்தம் என்றால்
ஊமத்தம் பூ...' என்று முடித்தார்
-

அந்துமணி பா.கே.ப.,
வாரமலர்

அ.இராமநாதன்: நவரச நாயகன்; Posts : 31809
Points : 70033
Join date : 26/01/2011
Age : 80