ஜெயலலிதா மரணம்: சிபிஐ விசாரணை கோரி மனு தாக்கல் செய்தவருக்கு ரூ.50,000 அபராதம்

by **அ.இராமநாதன்** Fri Jun 08, 2018 10:06 am

முன்னாள் முதல்வர் ஜெயலலிதா மரணம் குறித்து சிபிஐ
விசாரணை நடத்தக் கோரி மனு தாக்கல் செய்தவருக்கு
சென்னை உயர் நீதிமன்றம் ரூ.50,000 அபராதம் விதித்துள்ளது.

சென்னை உயர் நீதிமன்றத்தில் சேலத்தைச் சேர்ந்த ராமநாதன்
தாக்கல் செய்த மனுவில், முன்னாள் முதல்வர் ஜெயலலிதாவின்
மரணத்தில் பல்வேறு மர்மங்கள் உள்ளன. அவரை சிறந்த அரசு
மருத்துவமனையில் சிகிச்சைக்காக அனுமதிக்காமல் தனியார்
மருத்துவமனையில் அனுமதித்தது பல்வேறு சந்தேகங்களை
ஏற்படுத்தி உள்ளது.

எனவே, ஜெயலலிதாவின் மரணம் குறித்து சிபிஐ விசாரணை
மேற்கொண்டால் மட்டுமே மர்மங்கள் வெளியே வரும்.

இதுதொடர்பாக மத்திய உள்துறை அமைச்சகத்திடம்
கோரிக்கை வைத்தும் இதுவரை எந்த நடவடிக்கையும்
எடுக்கவில்லை. எனவே, சிபிஐ விசாரணைக்கு உத்தரவிட
வேண்டும் எனக் கோரியிருந்தார்.

இந்த மனு நீதிபதி பி.என்.பிரகாஷ் முன் விசாரணைக்கு வந்தது.
வழக்கை விசாரித்த நீதிபதி, மறைந்த முதல்வர் ஜெயலலிதாவின்
மரணம் தொடர்பாக ஓய்வு பெற்ற உயர் நீதிமன்ற நீதிபதி
தலைமையில் ஒரு நபர் விசாரணை ஆணையம் அமைத்து
தமிழக அரசு விசாரணை நடத்தி வருகிறது.

இந்தச் சூழலில் நீதிமன்றத்தின் நேரத்தை வீணடிக்கும் வகையில்
இந்த மனு தாக்கல் செய்யப்பட்டுள்ளது.

எனவே, இந்த மனு தள்ளுபடி செய்யப்படுகிறது. மேலும்
மனுதாரருக்கு ரூ.50,000 அபராதமாக விதிக்கப்படுகிறது.
இந்தத் தொகையை உயர் நீதிமன்ற சட்டப் பணிகள் ஆணைக்
குழுவில் மனுதாரர் செலுத்த வேண்டும் என உத்தரவிட்டார்
-
----------------------------------
தினமணி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஜெயலலிதா மரணம்: சிபிஐ விசாரணை கோரி மனு தாக்கல் செய்தவருக்கு ரூ.50,000 அபராதம்

ஜெயலலிதா மரணம்: சிபிஐ விசாரணை கோரி மனு தாக்கல் செய்தவருக்கு ரூ.50,000 அபராதம்