விரைவில் "கும்கி 2'

by **அ.இராமநாதன்** Mon Jun 11, 2018 12:32 am

• பிரபுசாலமன் இயக்கத்தில் விக்ரம் பிரபு நடித்து வெளியான
"கும்கி' பெரும் வெற்றியைப் பெற்றது. அப்போதிலிருந்தே
இந்தப் படத்தின் இரண்டாம் பாகம் வருமா என்ற ஆர்வம்
ரசிகர்களிடம் இருந்தது.

இதற்கு பதில் தரும் விதமாக "கும்கி 2' விரைவில் என்ற அறிவிப்பை
வெளியிட்டார் பிரபு சாலமன்.

படத்தில் நடிக்கப் போகும் நடிகர், நடிகைகள் குறித்த பல்வேறு
தகவல்கள் கசிந்த நிலையில் இருந்தன. இதற்கு எல்லாவற்றுக்கும்
மறுப்பு தெரிவித்து வந்த பிரபு சாலமன் தற்போது படத்தின்
முதற்கட்ட படப்பிடிப்பை முடித்து வந்துள்ளார். இது குறித்து
அவர் பேசும் போது...

"உண்மைதான் முதல் கட்டப் படப்பிடிப்பு முடிந்து விட்டது.
கேரளா பகுதியில் படப்பிடிப்பை நடத்தியுள்ளோம். இரண்டு
கட்ட படப்பிடிப்புகள் மீதம் உள்ளன. தமிழ், தெலுங்கு, ஹிந்தி
என்று மூன்று மொழிகளில் உருவாகி வருகிறது.

தமிழ் மற்றும் ஹிந்தியில் விஷ்ணு விஷால், ராணா டக்குபதி
ஹீரோவாக நடிக்கிறார்கள். ஹிந்தியில் மட்டும் விஷ்ணுக்கு
பதிலா புலிகிட் சாம்ராட் நடிக்கிறார். இந்தப் படம் ஹிந்திப்
படத்தின் ரீமேக் என்று வெளியே தகவல்கள் உள்ளன.

ஆனால், அது உண்மையில்லை. இது ரீமேக் படம் கிடையாது.
என்னுடைய சொந்தக் கதை. தயாரிப்பாளருக்கு கதை
பிடித்திருந்ததால், உடனடியாக படப்பிடிப்புக்குப் புறப்பட்டு
விட்டோம். ஈராஸ் நிறுவனம் தயாரிக்கிறது.

"கும்கி 2' என்று இப்போது சொல்ல மாட்டேன். ஆனால் நிறைய
யானைகள் படத்தில் உண்டு'' என்றார் பிரபுசாலமன்.
-
---------------------------------
திரைக்கதிர்
- ஜி.அசோக்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

விரைவில் "கும்கி 2'

விரைவில் "கும்கி 2'