கிராமங்களில் 'பனை எழுச்சி' திட்டம் தீவிரம்: 2 லட்சம் விதைகள் நட இமாலய இலக்கு

by **அ.இராமநாதன்** Sun Apr 28, 2019 8:53 pm

[You must be registered and logged in to see this link.]
-
திருப்பூர்:
திருப்பூர் வடக்கு ஒன்றிய பகுதி கிராமங்களில், 'பனை எழுச்சி'
திட்டம் செயல்படுத்தப்படுகிறது. இரண்டு லட்சம் பனை விதைகள்
நட, இந்தாண்டு இலக்கு நிர்ணயிக்கப்பட்டிருக்கிறது.

திருப்பூர் வடக்கு பகுதி, கிராமங்கள் நிறைந்தது. நிலத்தடி நீர்,
1,500 அடிக்கு கீழ் சென்றுவிட்டது. வறட்சி காரணமாக, குடிநீருக்கே
பஞ்சம் நீடிக்கிறது.

இங்கு, நான்கு ஆண்டுகளுக்கு முன் துவங்கப்பட்ட கிராமிய மக்கள்
இயக்கம், கிராமங்களில் நீர்வளம் காக்கும் முயற்சியில் ஈடுபட்டுள்ளது.
ஒவ்வொரு கிராமங்களிலும், பத்துக்கும் மேற்பட்ட தன்னார்வலர்கள்
உள்ளனர்.

இது துவங்கப்பட்ட போது, மகாராஷ்டிரா மாநிலம், நவிமும்பை
கமிஷனராக உள்ள, தமிழகத்தை சேர்ந்த ராமசாமியின் தலைமையில்,
பனை விதைகள் நடும் பணி துவங்கியது.பின், கவர்னர் பன்வாரிலால்
புரோஹித் தலைமையில், இப்பணி மேற்கொள்ளப்பட்டது.

திட்டத்துக்கு ஆதரவு பெருகியதால்,
ஆண்டுதோறும், பனை விதை நடவு அதிகப்படுத்தப்பட்டு வருகிறது.
கடந்தாண்டு மட்டும், தொரவலுார், சொக்கனுார், பட்டம்பாளையம்,
ஈச்சம்பள்ளம், தண்டுக்காரன்பாளையம் உட்பட, பல கிராமங்களில்,
80 ஆயிரம் பனை விதைகள் நடவு செய்யப்பட்டிருக்கின்றன.

நடப்பாண்டு, ஜூனில் துவங்கி, 2 லட்சம் பனை விதைகளை நட
இலக்கு நிர்ணயிக்கப்பட்டிருக்கிறது. இதுதவிர, வேம்பு, புங்கன்,
நாவல், நீர் மருது உள்ளிட்டவற்றை நடுவதற்காக, நர்சரி
அமைக்கப்பட்டுள்ளது.இது குறித்து, கிராமிய மக்கள் இயக்க
ஒருங்கிணைப்பாளர் சம்பத்குமார் கூறியதாவது:பனை விதைகளை
குளம், குட்டையோரங்களில் நடவு செய்து வருகிறோம்.

கடந்த ஆண்டு நடப்பட்ட பனை விதைகள், தற்போது வேர் பிடித்துள்ளன.
பனை மரங்கள், வறட்சியிலும் வளரக்கூடியவை. நிலத்தடி நீரையும்
காக்கக்கூடியன.

டெல்டா மாவட்டங்களில் கஜா புயல் தாக்கத்தின்போது, தென்னை
மரங்கள்கூட சாய்ந்தன. ஆனால், பனை மரங்கள் தாங்கி நின்றன
.தற்போது, நடவு செய்யப்பட்ட பனை விதைகளில், பாதிக்குப்
பாதியளவாவது மரமாக வளரும் என்பது நிச்சயம்.

பனை மரம் பயன் தர, 40 ஆண்டுகள் ஆகும். இது இளைய தலைமுறைக்கு
உதவும். எதிர்காலத்தில் நிலத்தடி நீர் உயர்ந்து, தண்ணீருக்கு எப்போதும்
தட்டுப்பாடு இல்லாமல் செய்வதுதான், எங்கள் நோக்கம்.

பனை மரக்குருத்துகளில் உள்ள, சில்வர் நைட்ரேட் மழையை ஈர்க்கக்
கூடியது என்று சொல்கிறார்கள். பனை மரம் அதிகளவில் இருந்தால்,
மழைப்பொழிவும் அதிகம் இருக்கும் என்பது நிச்சயம்.

குளத்தில் நிரம்பிய நீரைவற்றாமல் காக்கும் பனைஅத்திக்கடவு -
அவிநாசி திட்டப்பணிகள் முழுவீச்சில் நடைபெற்று வருகின்றன.
இத்திட்டத்தின் முக்கிய நோக்கம், குளம், குட்டைகளை நிரப்புதல்,
இதன் மூலம் நிலத்தடி நீர்மட்டத்தை அதிகரிக்கச் செய்தல் ஆகும்.

தற்போது நடப்பட்டுள்ள பனை விதைகள், இத்திட்டத்தின் கீழ் பயன்
பெற உள்ள குளம், குட்டையோரங்களில்தான் அதிகளவில்
நடப்பட்டுள்ளன. திட்டம் முழுமையடைந்து, குளம், குட்டைகளில்
நீர் நிறைந்திருந்தால், நீரை வற்றாது காக்கவும், கரைகளைப்
பாதுகாக்கவும், பனை மரங்கள் நிச்சயம் உதவும்.இவ்வாறு அவர்
கூறினார்.
-
-------------------------------------------
தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கிராமங்களில் 'பனை எழுச்சி' திட்டம் தீவிரம்: 2 லட்சம் விதைகள் நட இமாலய இலக்கு

கிராமங்களில் 'பனை எழுச்சி' திட்டம் தீவிரம்: 2 லட்சம் விதைகள் நட இமாலய இலக்கு