புலம் பெயர்ந்ததோர் உடலின் புலம்பல்

by DURAIAN Fri Jan 07, 2011 2:48 pm

[You must be registered and logged in to see this image.]

அது ஒரு

ஐப்பசியின் மழைக் காலம்….

தூங்கும் நம்குழந்தை..

அவளைத் தாங்கியபடி நீ..

உன்னைத் தொங்கியபடி நான்…

உலகமே ஒரு நொடியில்

எனது காலடிக்கும் கீழாகிப்போனது

என்னை மறந்தேன் நான்..மிதந்தே

எங்கெங்கோ பறந்தேன் நான்

இது ஒரு

வளைகுடாவின் பனிக்காலம்...

ஏங்கியபடி நம்குழந்தை..

அவளைத் தாங்கியபடி அங்கே நீ..

உன்னைத் தொங்கியபடி எனது நினைவுகள்..

அவற்றைத் தூக்கியபடி இங்கே நான்..

ஏனோ ஒரு நொடியில்

எல்லாமே தலைகீழாகிப்போனது

எனதுலகை இழந்திருக்கிறேன்.. இங்கே

ஏதோ இருக்கிறேன்..........