கேரளாவின் குப்பை தொட்டி தமிழகம்... தற்போது கர்நாடகம்!

by **அ.இராமநாதன்** Tue Feb 18, 2020 7:37 am

[You must be registered and logged in to see this image.]

[You must be registered and logged in to see this image.]

மைசூரு:

இயற்கை வளம் நிறைந்துள்ளதால், 'கடவுளின் தேசம்'
என்றழைக்கப்படும் கேரளா, பல வகைகளில், தனது
அண்டை மாநிலங்களில் அத்துமீறி வருகிறது.

குறிப்பாக, மனிதனுக்கும் இயற்கைக்கும் ஆபத்தை
விளைவிக்கும் கழிவுகளை, வாகனங்களில் ஏற்றி,
இரவோடு இரவாகத் தமிழகத்தில் கொட்டிச் சென்றது.

இந்நிலையில், நீலகிரி மாவட்டம் ஊட்டிக்கு வந்த, தேசியப்
பசுமைத் தீர்ப்பாய திடக்கழிவு மேலாண்மை கண்காணிப்புக்
குழு தலைவர் ஜோதிமணியிடம், 'கழிவுகளை
கேரளாவிலிருந்து இங்கு கொண்டுவந்து கொட்டுவதை
உடனடியாகத் தடுத்து நிறுத்த வேண்டும்' என, மக்கள்
வலியுறுத்தினர்.

ஆய்வு செய்த ஜோதிமணி, 'கூடலுார் வனப்பகுதிகளில் கழிவுகள்
கொட்டினால் கடும் நடவடிக்கை எடுக்கப்படும்' என, எச்சரித்தார்.
இதையடுத்து, தமிழக - கேரள எல்லை பகுதிகளில் உள்ள
செக்போஸ்ட்களில், அனைத்து வாகனங்களும் தீவிர
கண்காணிப்புக்கு உட்படுத்தப்பட்டு வருகின்றன.

இதனால், தமிழகத்திற்குள் கழிவுகளை கொட்ட முடியாத நிலை
ஏற்பட்டுள்ளது.இதையடுத்து, கர்நாடக மாநிலம் மைசூரு
சுற்றுவட்டாரப் பகுதிகளில், ஆள் நடமாட்டமற்ற வனப்பகுதிகளில்
கழிவுகளை கொட்டத் துவங்கியுள்ளது கேரளா.

சுற்றுச்சூழல் ஆர்வலர்கள் கூறியதாவது:

மைசூர், நஞ்சன்கூடு, சாம்ராஜ் நகர் ஆகிய பகுதிகளில் மிகவும்
பாதுகாக்கப்பட்ட வனப்பகுதி உள்ளது. குறிப்பாக, பந்திப்பூர்
மற்றும் முதுமலை புலிகள் காப்பகம் இங்கு அமைந்துள்ளன.

இங்கு, காலாவதி மாத்திரை, சிரிஞ்ச், நாப்கின், ரத்தக்கறை படிந்த
பஞ்சு உள்ளிட்ட மருத்துவக் கழிவுகளை எந்தத் தயக்கமும் இன்றி,
கேரளாவைச் சேர்ந்தவர்கள் கொட்டிச் செல்கின்றனர்.

தமிழகத்தில் கழிவுகளைக் கொட்டிவந்த இவர்கள், அங்கு கெடுபிடி
அதிகரித்ததால், பந்திப்பூர் வழியாக கர்நாடகாவுக்குள் நுழைகின்றனர்.
இறைச்சிக் கழிவுகளையும் கொட்டுவதால் வனவிலங்குகள்,
வளர்ப்புப் பிராணிகள் மட்டுமின்றி, மனிதர்களுக்கும் நோய்த் தொற்று
ஏற்படும் அபாயம் உருவாகியுள்ளது.

தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கேரளாவின் குப்பை தொட்டி தமிழகம்... தற்போது கர்நாடகம்!

கேரளாவின் குப்பை தொட்டி தமிழகம்... தற்போது கர்நாடகம்!