வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

கவிஞனும் இயற்கையும்

தமிழ்த்தோட்டம் :: கவிதைச் சோலை :: ரசித்த கவிதைகள்

Page 1 of 1

கவிஞனும் இயற்கையும்

by அ.இராமநாதன் Sat Feb 13, 2021 6:27 pm

கவிஞன் என்றும் இயற்கையின் குழந்தைதான்.
ஒரு பூ உதிர்ந்தால் அவன் நெஞ்சுக்குள் பூகம்பம்
ஏற்படுகிறது. ஒரு மரம் வெட்டப்பட்டால் அவனது
ஆன்மாவில் இரத்தம் கொட்டுகிறது.

சிற்பியின் இறகு நூலில் உள்ள இறகு என்னும்
கவிதையைப் பாருங்கள்.

பார்த்ததே இல்லை
எனினும்
கேட்டதுண்டு
காலம் இல்லை நேரம் இல்லை
அந்திகளில் கருக்கு இருட்டில்
நண்பகலில் மாலைகளில்
வேளை இன்னது என்றில்லை
மெய்சிலிர்க்க வைத்த குரல்…..

கோடைகளில் கொப்பளித்து
மழைக்குப் பொத்தல் குடைஆகும்
என்வீட்டின் மேற்குப் புறத்தில்
இன்னொருவர் நிலத்தில்
ஒரு பச்சைப் பிரளயம்போல்
நிற்கும் வேப்ப மரம்

என் கூரையின்மேல் நிழல்தூவும்
குளிர்காற்றைத் தூதுவிடும்
சிலபோது
மனதைக் கவ்வும் ஒரு மாயமாய்
ஏகாந்தப் புல்லாங் குழலாய்
இலை அடர்த்திக்கு உள்ளிருந்து
கூவி இழுக்கும்
ஒரு குயிலின் குரல் தூண்டில் !

மகளுக்குத் தலைசீவிப் பேன்பார்க்க, மகனுக்குப் பாடம்
சொல்ல, கதை சொல்லிச் சோறு ஊட்ட, அக்கம் பக்கத்துப்
பெண்களுடன் ஊர்ச் செய்தி பேச –
இவர் மனைவிக்கு இந்த மர நிழல்தான் உரிமையான தாய்வீடு.
கவிஞரின் பாட்டுக்குக் குடியிருப்பு.
–
நன்றி-
தமிழ் இணையக் கல்விக்கழகம்

அ.இராமநாதன்: நவரச நாயகன்; Posts : 31809
Points : 70033
Join date : 26/01/2011
Age : 80