வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

பாரதியின் ஆத்திசூடி கொடுமையை எதிர்த்து நில் - கவிஞர் இரா. இரவி

தமிழ்த்தோட்டம் :: கவிதைச் சோலை :: சொந்தக் கவிதைகள்

Page 1 of 1

பாரதியின் ஆத்திசூடி கொடுமையை எதிர்த்து நில் - கவிஞர் இரா. இரவி

by eraeravi Wed Jan 01, 2025 1:26 pm

பாரதியின் ஆத்திசூடி
கொடுமையை எதிர்த்து நில்

- கவிஞர் இரா. இரவி

*****

கொடுமையை எதிர்த்து நில் என்றார் பாரதியார்
கொடுமை கண்டால் ஒதுங்கி விடுகிறோம்

தமிழ்க்கொலை நாளும் நடந்து வருகிறது
தமிங்கிலத்தை எதிர்த்து நிற்க வாருங்கள்

ஊடகத்தில் தமிங்கிலமே பேசி வருகின்றனர்
ஊடகத்திற்கு கண்டனத்தை பதிவு செய்வோம்

விளம்பரங்களில் தமிழ் இல்லவே இல்லை
விளம்பரங்களை தட்டிக் கேட்போம் வாருங்கள்

திரைஇசைப்பாடல்களில் தமிங்கிலம் நாளும்
திரைத்துறைக்கு எதிர்ப்பைத் தெரிவிப்போம் வாருங்கள்

விளம்பரப் பலகைளில் தமிழ் இல்லை
வீதியில் இறங்கி கண்டிப்போம் வாருங்கள்

தமிழ்வழிக் கல்விக்கு மூடுவிழா நடக்கிறது
தமிழர்கள் ஒன்றுதிரண்டு குரல் தருவோம்

மும்மொழியை திணிக்கப் பார்க்கிறார்கள்
முக்காலமும் எதிர்ப்போம் என்று காட்டுவோம்

திருக்குறளை தேசிய நூலாக்க மறுக்கிறார்கள்
திருக்குறளை தேசிய நூலாக்கியே தீருவோம்

தீண்டாமை பெருங்குற்றம் என உணர்த்துவோம்
தீண்டாமை எங்கு நடந்தாலும் எதிர்ப்போம்

மதத்தின் பெயரால் பிரிப்போரை உணர்ந்து
மதம் மறந்து அனைவரும் சங்கமிப்போம்

கொடுமை எந்த வடிவில் வந்தாலும் எதிர்ப்போம்
கொடுமை கண்டு பொங்குவோம் வாருங்கள்

eraeravi: நட்சத்திர கவிஞர்; Posts : 2644
Points : 6368
Join date : 18/06/2010