சிங்கப்பூரில் கவிச்சோலை இலக்கிய நிகழ்வு

சிங்கப்பூர் தமிழ் எழுத்தாளர் கழகம் பெக்கியோ சமூக மன்ற இந்திய நற்பணிச் செயற்குழுவுடன் இணைந்து மாதந்தோறும் நடத்தும் கவிச்சோலை 107வது நிகழ்வாக செப்டம்பர் 05ம் தேதியன்று சமூக மன்ற அரங்கில் நா.ஆண்டியப்பன் தலைமையில் சிறப்பாக நடைபெற்றது. வழக்கம் போல் முதல் அங்கமாக கவிஞர்கள் படித்த, பிடித்த, வடித்த கவிதைகளைப் படைத்தனர். இம்மாதப் போட்டிக் கவிதையின் தலைப்பு 'மனம் ஒரு குரங்கு'. இத்தலைப்பில் கவிதை படைத்தவர்களில் ரொக்கப் பரிசுக்குரிய கவிஞர்களாக அண்மைக் காலமாக திரைப்படப் பாடல் புனைவதிலும் புகழ்பெற்று வரும் கவிஞர் நெப்போலியன், கவிஞர் சங்கரி சரவணன், கவிஞர் அகிலாமணி ஸ்ரீ வித்யா ஆகியோர் தேர்வு பெற்றனர். சிறப்பு நிகழ்ச்சியாக தமிழகத்தில் 19 ஆண்டுகளாக 'அணு' என்ற அஞ்சலட்டை சிற்றிதழ் நடத்தி வரும் சிவகங்கை ஓவியர் என்.முத்துக்கிருஷ்ணன், தமிழ் இலக்கியத்தில் சிற்றிலக்கியங்களின் பங்கு என்ற தலைப்பில் சிறப்புரையாற்றினார். இவர் தமதுரையில் சிற்றிலக்கியங்கள் நடத்துவதிலுள்ள சிரமங்களைப் பற்றியும் நச்சிதழ்களின் தரமற்ற போக்கையும் விமர்சித்தார். பரிசு பெற்ற கவிஞர்களுக்குப் பரிசுகளை வழங்கியும் சிறப்பித்தார். கழகத் தலைவர் நா.ஆண்டியப்பன் சிறப்பு விருந்தினருக்கு நினைவுப் பரிசு வழங்கி கவுரவித்தார். துணைச் செயலாளர் கவிஞர் வைரவன் நன்றி நவில, நிகழ்வு இனிதே நிறைவு பெற்றது.

நன்றி தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சிங்கப்பூரில் கவிச்சோலை இலக்கிய நிகழ்வு

சிங்கப்பூரில் கவிச்சோலை இலக்கிய நிகழ்வு